Ղեկավարվելով «Տեղական ինքնակառավարման մասին» օրենքի 13-րդ հոդվածի 1-ին մասի 10-րդ կետով և հիմք ընդունելով Հայաստանի տարածքային զարգացման հիմնադրամի առաջարկը, համայնքի ավագանին որոշում է․

1․Համաձայնություն տալ Հայաստանի Հանրապետության Կոտայքի մարզի Ջրվեժ համայնքի կազմում ընդգրկված բնակավայրերին Սոցիալական ներդրումների և տեղական զարգացման ծրագրին մասնակցելու համար։ 
2․Ստեղծել նախաձեռնող խումբ Սոցիալական ներդրումների և տեղական զարգացման ծրագրին մասնակցության հայտեր ներկայացնելու համար և հաստատել նախաձեռնող խմբի կազմը. համաձայն հավելվածի։  
3․ Հանձնարարել նախաձեռնող խմբին՝
1) Նախապատրաստել ծրագրի նախնական առաջարկ,
2) Հայտերի նախնական ընտրությունը կատարել Հայաստանի տարածքային զարգացման հիմնադրամի կողմից առաջարկված չափանիշներին համաձայն,
3)Ծրագրի ընտրության և նախապատրաստման ընթացքում համայնքի կազմում ընդգրկված երեք բնակավայրերի բնակչությանը տրամադրել տեղեկատվություն՝ ծրագրի և նրա նախապատրաստման ընթացքի մասին,
4) Ձեռնարկել միջոցներ՝ ծրագրի նախապատրաստմանը բնակչությանը ներգրավելու համար,
5) Աշխատանքները կազմակերպել այնպես, որ բաղադրիչ ենթածրագրերը՝
ա) ուղղված լինեն երեք բնակավայրերի ընդհանուր սոցիալական և տնտեսական խնդիրների լուծմանը,
բ)  իրար լրացնեն և ուժեղացնեն։ 
4) Լիազորել նախաձեռնող խմբի անդամներին՝ Հայաստանի Հանրապետության Կոտայքի մարզի Ջրվեժ համայնքի կազմում ընդգրկված բնակավայրերի Սոցիալական ներդրումների և տեղական զարգացման ծրագրի առաջարկները Հայաստանի տարածքային զարգացման հիմնադրամին ներկայացնելու համար։