Համայնքի տարածքում խաղատներին, բաղնիքներին, սաունաներին, զվարճանքի, շահումով խաղեր կազմակերպող օբյեկտներին ժամը 24.00-ից հետո աշխատելու թույլտվություն ստանալու համար անհրաժեշտ է դիմել համայնքապետարան, ֆինանսատնտեսագիտական, եկամուտների հաշվառման և հավաքագրման, ծրագրերի կազմման և համակարգման բաժին.

Համապատասխան թույլտվությունը տրամադրվում է 5 աշխատանքային օրվա ընթացքում: Նշված տեսակի այն օբյեկտները, որոնք ժամը 24.00-ից հետո գործունեություն չեն իրականացնում, բաժին են ներկայացնում հայտարարություն, ժամը 24.00-ից հետո չաշխատելու վերաբերյալ: 

Վճարվում է համայնքի ավագանու 25 դեկտեմբերի 2024 թ. N 149-Ն որոշմամբ սահմանված տեղական տուրք, որի հաշվարկման համար հիմք է հանդիսանում օրացուցային տարվա համար սահմանված տեղական տուրքի չափը՝ ըստ օբյեկտի գործունեության տեսակի։ Վճարումը կատարվում է մինչև թույլտվությունը ստանալը ցանկացած բանկում, բանկոմատում, գանձարկղում համայնքապետարանի 900105228374 (Ջրվեժ) և 900105221353 (Ձորաղբյուր) հաշվեհամարիներն՝ նշելով վճարման նպատակը:
Թույլտվության համար գործում են տեղական տուրքի հետևյալ դրույքաչափերը՝
ա. առևտրի օբյեկնտերի համար՝ 25 000 (քսանհինգ հազար) դրամ,
բ. հանրային սննդի և զվարճանքի օբյեկտների համար՝ 35 000 (երեսունհինգ հազար) դրամ,
գ. բաղնիքների (սաունաների) համար՝ 200 000 (երկու հարյուր հազար) դրամ,
դ. խաղատների համար՝ 500 000 (հինգ հարյուր հազար) դրամ,
ե. շահումով խաղերի համար՝ 250 000 (երկու հարյուր հիսուն հազար) դրամ,
զ. վիճակախաղերի համար՝ 100 000 (հարյուր հազար) դրամ:  

Ջրվեժ համայնքի համապատասխան բաժնի հասցեն է` գ․Ջրվեժ, Մելքոնյան փողոց, թիվ 76, համայնքապետարան, 1-ին հարկ, հեռախոս` 68-49-29 կամ 091-64-49-29, առաջատար մասնագետ՝ Կարինե Մնացականյան: