Տուրիզմի Հայկական Ֆեդերացիան իր անդամ և այլ գործընկերների հետ համագործակցությամբ ու ՀՀ ԷՆ Զբոսաշրջության կոմիտեի աջակցությամբ 2025 թվականի նոյեմբերի 21-23-ը «Մերիդիան» ցուցահանդեսների և միջոցառումերի կենտրոնում կազմակերպում է ITF Armenia 2025 միջազգային զբոսաշրջային ցուցահանդեսը։ Ցուցահանդեսի կազմակերպումը բխում է 2024 թվականի հոկտեմբերին Ջերմուկ քաղաքում պետական, մասնավոր ու միջազգային գործընկերների ներկայությամբ ներկայացված ու հաստատված Ֆեդերացիայի 2024-2029 թվականների ռազմավարությունից և նպատակ ունի խաղաղության խաչմերուկում ձևավորել զբոսաշրջության ոլորտի տարածաշրջանային համագործակցության հարթակ՝ առաջիկա տարիներին ընդլայնելով դրա նշանակությունն ու շրջանակները, և նաև Հայաստանը դարձնելով միջազգային զբոսաշրջային ցուցահանդեսային երկիր։ Ցուցահանդեսի շրջանակներում տեղի է ունենալու բիզնես ֆորում, որտեղ, բացի ողջույնի խոսքերից և հիմնական ելույթներից, նախատեսվում է նաև 1. Պանելային քննարկում՝ «Տարածաշրջանային մրցունակություն և կայուն զարգացում․ հնարավորություններ, խնդիրներ, լուծումներ» թեմայով և հետևյալ բաղկացուցիչներով` 1) Իրավական և տնտեսական լուծումներ, 2) Մարքեթինգ և խթանում,

3) Զբոսաշրջային արդյունքի և շուկաների դիվերսիֆիկացում, 2. Կլոր սեղան-քննարկում՝ «Զբոսաշրջության բնագավառում ինստիտուցիոնալ բարեփոխումները․ առաջնահերթ խնդիրներ ու լուծումներ» թեմայով, ՀՀ ԱԺ պատգամավորների, ՀՀ կառավարության ներկայացուցիչների և մասնավոր հատվածի ինստիտուցիոնալ կառույցների ներկայացուցիչների մասնակցությամբ։ Կարևորելով ցուցահանդեսի և բիզնես ֆորումի նշանակությունը Հայաստանում կայուն զբոսաշրջության զարգացման, Հայաստանի միջազգայաին հեղինակության ամրապնդման ու զարգացման, ինչպես նաև համաշխարհային շուկայում Հայաստանի ու հայկական զբոսաշրջային արդյունքի մրցունակության շարունակական բարձրացման գործընթացում և կառավարություն-մասնավոր հատված համագործակցությունը՝ որպես լավագույն արդյունքի հասնելու անժխտելի նախապայման՝ սիրով հրավիրում ենք Ձեզ և Ձեր ներկայացուցիչներին մասնակցելու ցուցահանդեսի բացման հանդիսավոր արարողությանը, բիզնես ֆորումին՝ ներառյալ պանելային ու կլոր սեղան քննարկումներին, ինչպես նաև ակնկալում ենք Ձեր աջակցությունը մարզի գործարար համայնքի՝ ցուցահանդեսին մասնակցության հարցում։ Ձեր և ՀՀ Կոտայքի մարզի մասնակցությունը կոգեվորի ոլորտի ներկայացուցիչներին ու միջազգային գործընկերներին, ցուցահանդեսի և ֆորումի մասնակիցներին, կնպաստի ցուցահանդեսի ու քննարկումների արդյունավետությանը, ինչպես նաև կամրապնդի ոլորտի վստահությունը կառավարություն-մասնավոր հատված գործընկերության նկատմամբ։ Ցուցահանդեսի բացման արարողությունը և բիզնես ֆորումը տեղի կունենան 2025 թվականի նոյեմբերի 21-ին, մեկնարկը՝ 11:00։ Մանրամասն օրակարգը կներկայացնենք լրացուցիչ։