2025 թվականի ապրիլի 26-ին կկայան ՀՀ Կոտայքի մարզի տղամարդկանց շախմատի  մարզային  առաջնությունը։

Ցանկացողները կարող են դիմել Ջրվեժի համայնքապետարան, յուրաքանչյուր աշխատանքային օր ժամը 10։00-17։00։

Կից ներկայացվում է կանոնակարգը․

 ԿԱՆՈՆԱԿԱՐԳ

1.    Նպատակը  և  խնդիրները

- Կոտայքի մարզում շախմատի մասսայականացում և զարգացում

- Մարզիկների սպորտային վարպետության  բարձրացում

- Առաջնության  արդյունքներով 1-ից 5-րդ  տեղեր  գրաված  շախմատիստներին  իրավունք  է  վերապահվում մասնակցելու ՀՀ 2025թ.-ի տղամարդկանց շախմատի առաջնության կիսաեզրափակիչ փուլին Երևան քաղաքում:

2.    Անցկացման  վայրը  և  ժամկետը

 ՀՀ Կոտայքի  մարզի  շախմատի  տղամարդկանց  առաջնությունը անց է կացվելու  ս/թ ապրիլի 26-ից մայիսի 4-ը  Աբովյան համայնքի ‹‹Աբովյան քաղաքի շախմատի դպրոց ››  ՀՈԱԿ –ում: 

Առաջնության  բացումը ս/թ  ապրիլի 26-ին  ժամը`10³⁰ -ին:

Առաջնության  հանդիպումները  ապրիլի26, 27, մայիսի 1, 3, 4-ին կմեկնարկեն ժամը 11⁰⁰-ից,

 ապրիլի 28, 29, 30, մայիսի 2-ին կմեկնարկեն ժամը ՝ 16³⁰-ից։

3.    Մասնակիցները  և  անցկացման  կարգը

  Կոտայքի մարզի տղամարդկանց շախմատի առաջնությանը իրավունք  ունեն  մասնակցելու    Կոտայքի  մարզի  բոլոր  համայնքների ազգային վարկանիշ ունեցող շախմատիստները, առաջին  և երկրորդ կարգայինները:

Առաջնությունը անց է կացվելու ՖԻԴԵ-ի կանոններով: Կկիրառվի շվեյցարական  մրցակարգ`  9  խաղափուլով, 90 րոպե  յուրաքանչյուր   մասնակցի  համար և  30  վարկյան  հավելումով   յուրաքանչյուր  քայլի  համար,  սկսած   առաջին   քայլից:

Հավասար   միավորների   դեպքում     տեղերը  որոշվում  են.

1. Հատված բուխհոլց-1,

2. Գումարային բուխհոլց,

3. Սև գույնի խաղաքարերով խաղացված պարտիաների առավելագույն   քանակով:

Խաղից   մասնակցի  30 րոպեից  ավելի  ուշացման  դեպքում   կգրանցվի   պարտություն:

            Բոլոր  մասնակիցները  իրենց  բջջային  հեռախոսները և այլ էլեկտրոնային սարքերը  խաղից  առաջ  պետք  է  հանձնեն համապատասխան  վայրում:

4.    Ֆինանսական ծախսեր

Մրցաշարի անցկացման ծախսերի ֆինանսական միջոցները գոյանում են մասնակիցների կողմից արվող 2000-ական դրամ մուտքավճարներով, որը պետք է փոխանցվի հետևյալ հաշվեհամարին՝ 900105201652 մինչև ապրիլի 23-ը՝ պարտադիր նշելով մրցաշարի անունը, մասնակցի անունը, ազգանունը, հայրանունը, համայնքը, կարգը:

 Մասնակիցների գործուղման ծախսերը /սնունդ, ճանապարհածախս/ հոգում են համայնքները:         

5.    Պարգևատրում

Մրցաշարում 1-ից 5-րդ տեղեր գրավող շախմատիստները կպարգևատրվեն հավաստագրերով, գավաթներով և մեդալներով:

6.      Միջոցառման պատասխանատուները

Մրցումների անցկացման ղեկավարությունը իրագործում է Հայաստանի շախմատի ֆեդերացիան, իսկ անմիջական անցկացումը դրվում է Աբովյան համայնքի ‹‹Աբովյան քաղաքի շախմատի դպրոց›› ՀՈԱԿ-ի վրա: