Ղեկավարվելով «Տեղական ինքնակառավարման մասին» օրենքի 13-րդ հոդվածի 10-րդ մասի, 18-րդ հոդվածի 1-ին մասի 42-րդ կետի պահանջներով, հիմք ընդունելով Ձորաղբյուր գյուղի վարչական ղեկավար Կարեն Խաչատրյանի առաջարկը և հաշվի առնելով այն, որ Ջրվեժ համայնքի Ձորաղբյուր գյուղի բնակիչ Վարուժան Արամի Մարգարյանի ընտանիքին սեփականության իրավունքով պատկանող Ազատության փողոցի 17-րդ նրբանցքի 12-րդ տան տանիքում բռնկված հրդեհի հետևանքով այրվել է տանիքը, այդ թվում՝ ձմռան պաշարը, ընտանիքը հայտնվել է սոցիալապես ծանր վիճակում, ընտանիքի երեք անդամներ հաշմանդամ են, երկու երեխաները` անչափահաս, համայնքի ավագանին որոշում է.

1.Ջրվեժ համայնքի Ձորաղբյուր գյուղի Ազատության փողոցի 17-րդ նրբանցքի թիվ 12 տան բնակիչ Վարուժան Արամի Մարգարյանի ընտանիքին ցուցաբերել դրամական օգնություն՝ 150 000 (մեկ հարյուր հիսուն հազար) Հայաստանի Հանրապետության դրամ գումարի չափով, ծախսերն իրականացնելով համայնքի բյուջեի «Սոցիալական օգնություն ընտանիքներին» ծրագրից:

2․Սույն որոշումն ուժի մեջ է մտնում ստորագրման օրվանից։