Զեկ. ՍՈՒՍԱՆՆԱ ԹԱԴԵՎՈՍՅԱՆ

Ջրվեժի համայնքապետարան է դիմել Ջրվեժ համայնքի Ձորաղբյուր գյուղի Բանակի փողոցի թիվ 4 հասցեի բնակիչ Նարինե Գեղամի Նարինյանը՝ Ձորաղբյուր գյուղի Բանակի փողոցի թիվ 4/3 հասցեում գտնվող, իր ընտանիքի կողմից փաստացի օգտագործվող համայնքային սեփականություն հանդիսացող բնակելի տունը (նախկին հանրակացարանի շենք)` 53,89 քառ.մետր մակերեսով (արտաքին մակերեսը՝ 70,96 քառ.մետր) և այդ բնակելի տան սպասարկման 109,2 քառ.մետր մակերեսով բնակավայրի բնակելի կառուցապատման հողակտորը իրեն օտարելու խնդրանքով (հիմք՝ անշարժ գույքի նկատմամբ իրավունքների պետական գրանցման վկայական N 06022020-07-0096, տրված 2020 թվականի փետրվարի 6-ին, անհատ ձեռնարկատեր Վալերիկ Գալստյանի կողմից 2020 թվականի փետրվարի 3-ին կազմված և սահմանված կարգով հաստատված հատակագիծը):

Ղեկավարվելով «Տեղական ինքնակառավարման մասին» օրենքի 18-րդ հոդվածի առաջին մասի 21-րդ կետով, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի պահանջներով, հիմք ընդունելով Ձորաղբյուր գյուղի վարչական ղեկավարի առաջարկը և հաշվի առնելով Ջրվեժ համայնքի Ձորաղբյուր գյուղի Բանակի փողոցի թիվ 4 հասցեի բնակիչ Նարինե Գեղամի Նարինյանի խնդրանքը, համայնքի ավագանին որոշում է.

1.Թույլատրել համայնքի ղեկավարին` ուղղակի վաճառքի ձևով օտարելու Ջրվեժ համայնքի Ձորաղբյուր գյուղի Բանակի փողոցի թիվ 4/3 հասցեում գտնվող համայնքային սեփականություն հանդիսացող բնակելի տունը (նախկին հանրակացարանի շենք)՝ 53,89 քառ.մետր մակերեսով (արտաքին մակերեսը՝ 70,96 քառ.մետր) և այդ բնակելի տան սպասարկման 109,2 քառ.մետր մակերեսով բնակավայրի բնակելի կառուցապատման հողակտորի հետ միասին (հիմք՝ անշարժ գույքի նկատմամբ իրավունքների պետական գրանցման վկայական N 06022020-07-0096, տրված 2020 թվականի փետրվարի 6-ին, անհատ ձեռնարկատեր Վալերիկ Գալստյանի կողմից 2020 թվականի փետրվարի 3-ին կազմված և սահմանված կարգով հաստատված հատակագիծը)՝ նախապատվություն տալով Նարինե Գեղամի Նարինյանին, ընդ որում՝ մինչև 2001 թվականը զբաղեցրած 53,89 քառ.մետր մակերեսով հողամասը և վրան կառուցված 53,89 քառ.մետր արտաքին մակերեսով բնակելի տունը տրամադրել անհատույց, իսկ 2001 թվականից հետո զբաղեցրած 38,06 քառ.մետր մակերեսով հողամասն օտարել նրան՝ ուղղակի վաճառքի ձևով, կադաստրային արժեքով, որը կազմում է 169 055 (մեկ հարյուր վաթսունինը հազար հիսունհինգ) Հայաստանի Հանրապետության դրամ:

2.Պարտավորեցնել Նարինե Գեղամի Նարինյանին՝ գույքի հետագա օտարման դեպքում մուծելու նաև անհատույց տրամադրված 70,96 քառ.մետր մակերեսով հողամասի՝ օտարման պահին գործող կադաստրային արժեքը:

3.Սույն որոշումն ուժի մեջ է մտնում ստորագրման պահից: