Ղեկավարվելով Հողային օրենսգրքի 66-րդ հոդվածի առաջին մասի 8-րդ, «Տեղական ինքնակառավարման մասին» օրենքի 13-րդ հոդվածի 10-րդ մասի, 18-րդ հոդվածի առաջին մասի 21-րդ կետի, Հայաստանի Հանրապետության կառավարության 2021 թվականի ապրիլի 29-ի թիվ 698-Ն և 2016 թվականի մայիսի 26-ի թիվ 550-Ն որոշումների պահանջներով և հիմք ընդունելով «Նարինե Առաքելյան» ՍՊԸ-ի կողմից 2023 թվականի մայիսի 5-ին կազմված և սահմանված կարգով հաստատված հողամասի հատակագիծն ու հաշվի առնելով այն, որ Ջրվեժ համայնքի Ջրվեժ գյուղի Հ․Մելքոնյան փողոցի թիվ 10/1 հասցեի 6,3 քառ.մետր մակերեսով բնակավայրերի հասարակական կառուցապատման հողամասի նկատմամբ գոյություն չունի որևէ իրավունք հաստատող փաստաթուղթ և հիմք ընդունելով նշված հողամասի հարևանությամբ՝ Ջրվեժ համայնքի Ջրվեժ գյուղի Մելքոնյան փողոցի թիվ 10 հասցեի գույքի սեփականատեր Մուշեղ Հենրիկի Սարգսյանի խնդրանքը, համայնքի ավագանին որոշում է. 

1.Ճանաչել համայնքային սեփականության իրավունքը Ջրվեժ համայնքի Ջրվեժ գյուղի Հ․Մելքոնյան փողոցի թիվ 10/1 հասցեի 6,3 քառ.մետր մակերեսով բնակավայրերի հասարակական կառուցապատման հողամասի նկատմամբ:

2.Առաջարկել համայնքի ղեկավարին՝ օրենքով սահմանված կարգով կատարելու վերը նշված անշարժ գույքի նկատմամբ համայնքային սեփականության իրավունքի պետական գրանցում:

3.Ջրվեժ համայնքի Ջրվեժ գյուղի Հ․ Մելքոնյան փողոցի թիվ 10/1 հասցեում գտնվող 6,3 քառ.մետր մակերեսով բնակավայրերի հասարակական կառուցապատման հողամասի նկատմամբ իրավունքի պետական գրացում կատարելուց հետո թույլատրել համայնքի ղեկավարին` քաղաքացի Մուշեղ Հենրիկի Սարգսյանին սեփականության իրավունքով պատկանող Ջրվեժ համայնքի Ջրվեժ գյուղի Մելքոնյան փողոցի թիվ 10 հասցեի 23,5 քառ.մետր մակերեսով բնակավայրերի հասարակական կառուցապատման հողամասին կից, իր կողմից փաստացի օգտագործվող համայնքային սեփականություն հանդիսացող Ջրվեժ համայնքի Ջրվեժ գյուղի Հ․ Մելքոնյան փողոցի թիվ 10/1 հասցեում գտնվող 6,3 քառ.մետր մակերեսով բնակավայրերի հասարակական կառուցապատման հողամասն ուղղակի վաճառքի ձևով, որպես ընդլայնում, կադաստրային արժեքով օտարել Մուշեղ Հենրիկի Սարգսյանին: