Հիմք ընդունելով «Տեղական ինքնակառավարման մասին» օրենքի 13-րդ հոդվածի 10-րդ մասը, 18-րդ հոդվածի 1-ին մասի 42-րդ կետը և հաշվի առնելով այն, որ «Կոտայքի մարզի ըմբշամարտի ֆեդերացիա» հասարակական կազմակերպության կողմից համայնքապետարան ներկայացվել էր գրություն՝ «Ռազմիկ Կարապետյանի անվան մենապայքարային մարզաձևերի օլիմպիական մանկապատանեկան մարզադպրոց» պետական ոչ առևտրային կազմակերպության մարզիկներին և մարզիչներին Եվրոպայի և աշխարհի առաջնություններում պատվավոր տեղեր զբաղեցնելու համար խրախուսելու նպատակով ֆինանսական միջոցներ տրամադրելու խնդրանքով, համայնքի ավագանին որոշում է․

1.Թույլատրել համայնքի ղեկավարին՝ իրականացնելու ծախսեր բյուջեի «Ընթացիկ դրամաշնորհներ պետական և համայնքային ոչ առևտրային կազմակերպություններին» հոդվածից և «Կոտայքի մարզի ըմբշամարտի ֆեդերացիա» հասարակական կազմակերպությանը հատկացնել 700 000 (յոթ հարյուր հազար) Հայաստանի Հանրապետության դրամ՝ «Ռազմիկ Կարապետյանի անվան մենապայքարային մարզաձևերի օլիմպիական մանկապատանեկան մարզադպրոց» պետական ոչ առևտրային կազմակերպության մարզիկներին և մարզիչներին խրախուսելու նպատակով։

2.Սույն որոշումն ուժի մեջ է մտնում ստորագրման օրվանից։