Ղեկավարվելով «Արտակարգ իրավիճակներում բնակչության պաշտպանության մասին» օրենքի 16-րդ հոդվածի պահանջով, որոշում եմ.

1.Հաստատել՝

1)Հայաստանի Հանրապետության Կոտայքի մարզի Ջրվեժ համայնքի տարածքում 2025 թվականի ընթացքում հնարավոր ջրհեղեղների, հեղեղումների, սելավների, քարաթափումների և սողանքների կանխարգելման, հետևանքների նվազեցման ու վերացման միջոցառումների պլանը` համաձայն N 1 հավելվածի,

2)տեղեկություններ՝ համայնքի հակահեղեղային կառույցների հաշվառման վերաբերյալ՝ համաձայն N 2 հավելվածի,

3)առաջարկություններ` համայնքին սպառնացող պոտենցիալ վտանգավոր տեղամասերի և բնակչության անվտանգության ապահովման ուղղությամբ նախատեսվող միջոցառումների վերաբերյալ` համաձայն N 3 հավելվածի:

2.Մինչև 2025 թվականի ապրիլի 20-ը Հայաստանի Հանրապետության ներքին գործերի նախարարության փրկարար ծառայության Կոտայքի մարզային փրկարարական վարչություն ներկայացնել սույն որոշման 1-ին կետով հաստատված փաստաթղթերը:

3.Սույն որոշման կատարման հսկողությունը դնել համայնքի ղեկավարի տեղակալ Արմեն Մկրտչյանի վրա։

4. Սույն որոշումն ուժի մեջ է մտնում ստորագրման օրվանից: