Ղեկավարվելով «Նորմատիվ իրավական ակտերի մասին» օրենքի 1-ին հոդվածի 2-րդ և 34-րդ հոդվածի 1-ին մասերով, հաշվի առնելով Հայաստանի Հանրապետության կադաստրի կոմիտեի 2024 թվականի հուլիսի 25–ի «Գույքի նկատմամբ իրավունքի (սահմանափակման) պետական գրանցման վարույթը կասեցնելու մասին» թիվ Կ–25072024-07-0006, 2024 թվականի հոկտեմբերի 18–ի «Գույքի նկատմամբ իրավունքի (սահմանափակման) պետական գրանցման վարույթը կասեցնելու մասին» թիվ Կ–18102024-07-0014, 2025 թվականի փետրվարի 27–ի «Գույքի նկատմամբ իրավունքի (սահմանափակման) պետական գրանցման վարույթը կասեցնելու մասին» թիվ Կ–27022025-07-0206 որոշումները և հիմք ընդունելով Ջրվեժ համայնքի ավագանու 2025 թվականի հոկտեմբերի 08-ի թիվ 110-Ա որոշումը, ինչպես նաև «Նարինե Առաքելյան» սահմանափակ պատասխանատվությմաբ ընկերության կողմից 2025 թվականին սեպտեմբերի 30-ին սահմանված կարգով կազմված և հաստատված հողամասի հատակագիծը, որոշում եմ. 

1.Համայնքի ղեկավարի 2024 թվականի հուլիսի 16-ի «Անշարժ գույքին հասցե տրամադրելու և ինքնակամ կառուցված շինությունն օրինականցնելու մասին» թիվ 881-Ա որոշման մեջ կատարել հետևյալ փոփոխությունները.

1)որոշման նախաբանում, ինչպես նաև որոշման 1-ին և 2-րդ կետերում «16,0 քառ․մետր» բառերը փոխարինել «15,4 քառ․մետր» բառերով:

2.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Արմինե Պետրոսյանը։

3.Սույն որոշումն ուժի մեջ է մտնում ստորագրման պահից: