Ղեկավարվելով «Տեղական ինքնակառավարման մասին» օրենքի 18-րդ հոդվածի առաջին մասի 29-րդ կետի, «Քաղաքաշինության մասին» օրենքի 143-րդ հոդվածի, Հայաստանի Հանրապետության կառավարության 2011 թվականի դեկտեմբերի 29-ի թիվ 1920-Ն որոշմամբ հաստատված կարգի պահանջներով և հիմք ընդունելով Հայաստանի Հանրապետության վարչապետի 2009 թվականի դեկտեմբերի 22-ի N 1064-Ա որոշմամբ ստեղծված միջգերատեսչական հանձնաժողովի 2021 թվականի մայիսի 17-ի N 1/փ-154 դրական եզրակացությունը, համայնքի ավագանին որոշում է.

1.Հայաստանի Հանրապետության Ձորաղբյուր համայնքի ավագանու 2012 թվականի հուլիսի 2-ի «Հայաստանի Հանրապետության Կոտայքի մարզի Ձորաղբյուր գյուղական համայնքի պարզեցված գլխավոր հատակագիծը հաստատելու մասին» թիվ 19-Ն որոշմամբ հաստատված հավելվածում կատարել հետևյալ փոփոխությունը.

1)«ԳԻՐՔ 1, ՀՀ Կոտայքի մարզի Ձորաղբյուր գյուղական համայնքի պարզեցված գլխավոր հատակագիծ, տեքստային մաս» «Գլուխ 2. Ձորաղբյուր գյուղական համայնքի գոտևորման նախագիծ»     «5.Գոտիներում թույլատրելի օգտագործումների (կառուցապատումների) և սահմանափակումների հիմնավորումները» բաժնի «5.1.Նախագծով սահմանված գոտիները» կետի «5.1.1. Անհատական բնակելի կառուցապատման գոտի (ԱԿԳ)» ենթակետում «*Նոր կառուցապատվող հողամասի նվազագույն մակերեսը՝ 1000 քառ.մետր;» բառերը փոխարինել «*Նոր կառուցապատման նպատակով տրամադրվող տնամերձ հողամասերի միջին չափը՝ 500 – 1500 քառ.մետր, հողամասի ճակատի նվազագույն լայնությունը՝ 10,0 մետր, հողամասի անբաժանելի մասը՝ 500 քառ.մետր:» բառերով: