ՆԱԽԱԳԻԾ

Հարցի քննարկման համար հիմք է հանդիսացել քաղաքացի Էդգար Սամուելի Առաքելյանի (ծնված 2002 թվականի հունիսի 14-ին) լիազոր անձ Հարություն Վահեի Գևորգյանի (ծնված 1976 թվականի ապրիլի 18-ին) կողմից Ջրվեժի համայնքապետարանին հասցեագրված դիմումը՝ սեփականության իրավունքով Էդգար Սամուելի Առաքելյանի պատկանող Ջրվեժ համայնքի Ձորաղբյուր գյուղի 215-րդ թաղամասի թիվ 4 հասցեում գտնվող (հիմք՝ անշարժ գույքի նկատմամբ իրավունքների պետական գրանցման վկայական թիվ 04032024-07-0149, տրված 2024 թվականի մարտի 4-ին) 600,0 քառ.մետր մակերեսով բնակավայրերի բնակելի կառուցապատման հողամասին կից, ընդլայնման նպատակով, ուղղակի վաճառքի ձևով Էդգար Սամուելի Առաքելյանին օտարելու համայնքային սեփականություն հանդիսացող, վերջինիս կողմից փաստացի տիրապետվող և օգտագործվող Ջրվեժ համայնքի Ձորաղբյուր գյուղի 215-րդ թաղամասի թիվ 4/1 հասցեում գտնվող՝ 114,73 քառ.մետր մակերեսով բնակավայրի բնակելի կառուցապատման հողամասը (հիմք՝ անշարժ գույքի նկատմամբ իրավունքների պետական գրանցման  թիվ 07-042-0215-0052 վկայական, տրված 2024 թվականի հուլիսի 1-ին): 

Ղեկավարվելով Հողային օրենսգրքի 66-րդ հոդվածի առաջին մասի 8-րդ կետի, Հայաստանի Հանրապետության կառավարության 2016 թվականի մայիսի 26-ի թիվ 550-Ն որոշման պահանջներով և հիմք ընդունելով Ջրվեժ համայնքի ավագանու 2024 թվականի հունիսի 7-ի թիվ 67-Ա որոշումը, ինչպես նաև Ջրվեժ համայնքի Ձորաղնյուր գյուղի 215-րդ թաղամասի թիվ 3 հասցեի  499,0 քառ.մետր մակերեսով բնակավայրերի բնակելի կառուցապատման հողամասի սեփականատեր Ռաֆայել Կառլենի Կարապետյանի (հիմք՝ անշարժ գույքի նկատմամբ իրավունքների պետական գրանցման թիվ 23062022-07-0167 վկայական, տրված՝ 2022 թվականի հունիսի 23-ին) և Ջրվեժ համայնքի Ձորաղբյուր գյուղի 215-րդ թաղամասի թիվ 5 հասցեի 818,3 քառ.մետր մակերեսով բնակավայրերի բնակելի կառուցապատման հողամասի սեփականատեր Լուսինե Հենրիկի Սիմոնյանի (հիմք՝ անշարժ գույքի նկատմամբ իրավունքների պետական գրանցման թիվ 29022024-07-0047 վկայական, տրված՝ 2021 թվականի փետրվարի 15-ին) համաձայնություններն այն մասին, որ իրենց հողամասերին կից համայնքային սեփականություն հանդիսացող Ջրվեժ համայնքի Ձորաղբյուր գյուղի 215-րդ թաղամասի թիվ 4/1 հասցեի 114,73 քառ.մետր մակերեսով բնակավայրերի բնակելի կառուցապատման հողամասն օտարվի այն փաստացի տիրապետող և օգտագործող Էդգար Սամուելի Առաքելյանին, որոշում եմ.

1.Էդգար Սամուելի Առաքելյանին սեփականության իրավունքով պատկանող Ջրվեժ համայնքի Ձորաղբյուր գյուղի 215-րդ թաղամասի թիվ 4 հասցեում գտնվող 600,0 քառ.մետր մակերեսով բնակավայրերի բնակելի կառուցապատման հողամասին կից՝ Ջրվեժ համայնքի Ձորաղբյուր գյուղի 215-րդ թաղամասի թիվ 4/1 հասցեում գտնվող, համայնքային սեփականություն հանդիսացող 114,73 քառ.մետր մակերեսով բնակավայրերի բնակելի կառուցապատման հողամասն ընդլայնման նպատակով, ուղղակի վաճառքի ձևով օտարել այն փաստացի տիրապետվող և օգտագործվող Էդգար Սամուելի Առաքելյանին` կադաստրային արժեքով:

2.Սահմանել, որ հողօգտագործող Էդգար Սամուելի Առաքելյանը, սույն որոշման ընդունումից հետո, 10-օրյա ժամկետում Ջրվեժ համայնքի բյուջեի N 900105221171 հաշվին պետք է վճարի հողամասի կադաստրային արժեքը, որը կազմում է 509 608 (հինգ հարյուր ինը հազար վեց հարյուր ութ) Հայաստանի Հանրապետության դրամ:

3.Սահմանել, որ սույն որոշման ընդունումից հետո, հողամասը ձեռք բերողի կողմից 10-օրյա ժամկետում վճարումը չկատարելու դեպքում՝ որոշումը համարվում է ուժը կորցրած։

4.Հանձնարարել աշխատակազմի առաջատար մասնագետ Գրիգոր Սերոբյանին՝ հողօգտագործող Էդգար Սամուելի Առաքելյանի կողմից սույն որոշման 2-րդ կետում նշված գումարների վճարումից հետո 10-օրյա ժամկետում գնորդի հետ կնքել անշարժ գույքի օտարման պայմանագիր:

5.Ընդունել ի գիտություն, որ առուվաճառքի պայմանագրից ծագող իրավունքը ենթակա է պետական գրանցման անշարժ գույքի կադաստրի համապատասխան ստորաբաժանումում:

6.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը:

7.Սույն որոշումն ուժի մեջ է մտնում՝ Էդգար Սամուելի Առաքելյանին որոշման մասին իրազեկելու օրվան հաջորդող օրվանից: