Ղեկավարվելով «Տեղական ինքնակառավարման մասին» օրենքի 48-րդ հոդվածի պահանջներով, հիմք ընդունելով համայնքի ավագանու 2019 թվականի հունվարի 15-ի թիվ 4-Ն որոշմամբ հաստատված չափորոշիչները, Ջրվեժ համայնքի սոցիալական խնդիրների ուսումնասիրման հանձնաժողովի եզրակացությունը Ջրվեժ համայնքի Ջրվեժ գյուղի 12 փողոցի թիվ 32 հասցեի բնակիչ Աշոտ Շոթայի Դավթյանը ընտանիքի վերաբերյալ, այն է՝ Աշոտ Շոթայի Դավթյանի ընտանիքը հինգ անձ է, ինքը կատարում է սեզոնային աշխատանք, ներկայումս չի աշխատում, կինը՝ Աննա Խորենի Մսրյանը խնամում է անչափահաս երեխաներին՝ Միլենա և Ալեն Աշոտի Դավթյաններին, ծնված 2010, 2014 թվականներին, ընդ որում՝ Միլենա Աշոտի Դավթյանը հանդիսանում է մանկուց հաշմանդամ, ունի տեսողության խնդիր՝ գրեթե չի տեսնում, անընդհատ գտնվում է բժիշկների հսկողության տակ, նրանց հետ նույն հարկի տակ բնակվում է ամուսնու հայրը՝ Շոթա Հովհաննեսի Դավթյանը, ով կենսաթոշակառու է և չի աշխատում և ընտանիքի ֆինանսական ու սոցիալական վիճակից ելնելով Աշոտ Շոթայի Դավթյանը դիմել է համայնքապետարան՝ դրամական օգնություն ստանալու խնդրանքով, որոշում եմ.

1.Հանձնարարել ֆինանսատնտեսագիտական, եկամուտների հաշվառման և հավաքագրման, ծրագրերի կազմման և համակարգման բաժնի պետ Սոնա Հովհաննիսյանին՝ բյուջեի համապատասխան հոդվածից Աշոտ Շոթայի Դավթյանի ընտանիքին ցույց տալ դրամական օգնություն՝ 30 000 (երեսուն հազար) դրամ գումարի չափով:

2.Սույն որոշումն ուժի մեջ է մտնում՝ Աշոտ Շոթայի Դավթյանին որոշման ընդունման մասին իրազեկելու օրվան հաջորդող օրվանից: