Հարցի քննարկման համար հիմք է հանդիսացել Նարինե Գեղամի Նարինյանի (ծնված 1977 թվականի հունվարի 2-ին) դիմումը՝ Ջրվեժ համայնքի Ձորաղբյուր գյուղի Բանակի փողոցի թիվ 4/3 հասցեում գտնվող համայնքային սեփականություն հանդիսացող բնակելի տունը (նախկին հանրակացարանի շենք)՝ 53,89 քառ.մետր (բնակելի տան ընդհանուր արտաքին մակերեսը կազմում է 70,96 քառ.մետր՝ կառուցված մինչև 2001 թվականը) և այդ բնակելի տան սպասարկման 109,02 քառ.մետր մակերեսով բնակավայրի բնակելի կառուցապատման հողամասի հետ իրեն օտարելու մասին (հիմք՝ անշարժ գույքի նկատմամբ իրավունքների պետական գրանցման վկայական N 06022020-07-0096, տրված 2020 թվականի փետրվարի 6-ին, անհատ ձեռնարկատեր Վալերիկ Գալստյանի կողմից 2020 թվականի փետրվարի 3-ին կազմված և սահմանված կարգով հաստատված հատակագիծը)::

Ղեկավարվելով Հայաստանի Հանրապետության Կառավարության 2006 թվականի մայիսի 18-ի  N 912-Ն որոշմամբ հաստատված կարգի 34.2 և 35-րդ կետերով և հիմք ընդունելով համայնքի ավագանու 2024 թվականի դեկտեմբերի 25-ի թիվ 154-Ա որոշումը, որոշում եմ.

1.Ջրվեժ համայնքի Ձորաղբյուր գյուղի Բանակի փողոցի թիվ 4/3 հասցեում գտնվող համայնքային սեփականություն հանդիսացող բնակելի տունը (նախկին հանրակացարանի շենք)՝ 53,89 քառ.մետր մակերեսով (արտաքին մակերեսը՝ 70,96 քառ.մետր) և այդ բնակելի տան սպասարկման 109,02 քառ.մետր մակերեսով բնակավայրերի բնակելի կառուցապատման հողակտորի հետ միասին օտարել՝ նախապատվություն տալով կառույցն իրականացրած Նարինե Գեղամի Նարինյանին, ընդ որում՝ մինչև 2001 թվականը զբաղեցրած 70,96 քառ.մետր մակերեսով հողամասը և վրան կառուցված 70,96 քառ.մետր արտաքին մակերեսով բնակելի տունը տրամադրել անհատույց, իսկ 2001 թվականից հետո զբաղեցրած 38,06 քառ.մետր մակերեսով հողամասը, օրենքով սահմանված կարգով օտարել նրան՝ ուղղակի վաճառքի ձևով:

2.Պարտավորեցնել Նարինե Գեղամի Նարինյանին՝ մուծելու հողամասի կադաստրային արժեքը, որը կազմում է 169 055 (մեկ հարյուր վաթսունինը հազար հիսունհինգ) Հայաստանի Հանրապետության դրամ: Ընդ որում՝ գույքի հետագա օտարման դեպքում պարտավորեցնել Նարինե Գեղամի Նարինյանին՝ մուծելու նաև 70,96 քառ.մետր մակերեսով հողամասի՝ օտարման պահին գործող կադաստրային արժեքը

3.Հանձնարարել աշխատակազմի առաջատար մասնագետ Գրիգոր Սերոբյանին՝ ինքնակամ կառույցն իրականացրած անձի կողմից սույն որոշման 2-րդ կետում նշված գումարների վճարումից հետո 10-օրյա ժամկետում գնորդի հետ կնքելու անշարժ գույքի օտարման պայմանագիր:

4.Ընդունել ի գիտություն, որ գույքի օտարման պայմանագիրը ենթակա է նոտարական վավերացման, իսկ դրանից ծագող իրավունքները պետական գրանցման` անշարժ գույքի գրանցման միասնական ստորաբաժանումում:

5.Որոշման կատարման կազմակերպումն ու պատասխանատվությունը դնել աշխատակազմի գլխավոր մասնագետ Վահե Սիրականյանի վրա:

6.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը:

7.Սույն որոշումն ուժի մեջ է մտնում՝ Նարինե Գեղամի Նարինյանին որոշման ընթացքի մասին իրազեկելու օրվան հաջորդող օրվանից: