Ղեկավարվելով «Տեղական ինքնակառավարման մասին» օրենքի 13-րդ հոդվածի 10-րդ մասի, 18-րդ հոդվածի 1-ին մասի 42-րդ կետի պահանջներով, հաշվի առնելով Մանկական զարգացման հիմադրամի տնօրեն Լուսինե Սիմոնյանի 2024 թվականի հունիսի 27-ի թիվ Ե-80/24 գրությունը՝ Ջրվեժ համայնքում ըստ գնահատված սոցիալական կարիքների՝ կյանքի դժվարին իրավիճակում հայտնված մինչև 18 տարեկան երեխաների մասնագիտական և ցերեկային խնամքի ծառայությունների մատուցման համար «ԶարՄան» զարգացման կենտրոնի գործարկման ծրագրի վերաբերյալ, ինչպես նաև կարևորելով սոցիալական ծրագրերի իրականացման անհրաժեշտությունը, համայնքի ավագանին որոշում է․
1.Հավանություն տալ Հայաստանի Հանրապետության Կոտայքի մարզի Ջրվեժ համայնքում Մանկական զարգացման հիմնադրամի կողմից «ԶարՄան» զարգացման կենտրոնի գործարկման ծրագրին, որի իրականացման համար սահմանել ժամկետ՝ հինգ տարի։
2․Թույլատրել համայնքի ղեկավարին՝ իրականացնելու ծախսեր բյուջեի «Կրթություն» ծրագրի «Այլ ընթացիկ դրամաշնորհներ» հոդվածից և Մանկական զարգացման հիմնադրամին հատկացնել 1 850 000 (մեկ միլիոն ութ հարյուր հիսուն հազար) Հայաստանի Հանրապետության դրամ գումար՝ Մանկական զարգացման հիմնադրամի կողմից «ԶարՄան» զարգացման կենտրոնի 2024 թվականի համար ընթացիկ պահպանման ծախսերի իրականացման նպատակով:
3.Սույն որոշումն ուժի մեջ է մտնում ստորագրման օրվանից: