Հիմք ընդունելով «Տեղական ինքնակառավարման մասին» օրենքի 13-րդ հոդվածի 10-րդ մասը, 18-րդ հոդվածի 1-ին մասի 42-րդ կետը և հաշվի առնելով այն, որ Ջրվեժ համայնքում գործող «Զովքի Գ․Շահինյանի անվան միջնակարգ դպրոց» պետական ոչ առևտրային կազմակերպության տնօրենը դիմել Է համայնքապետարան՝ դպրոցի կարիքների համար դյուրակիր համակարգիչների ձեռքբերման հարցում ֆինանսական աջակցություն ստանալու խնդրանքով, համայնքի ավագանին որոշում է.

1.Թույլատրել համայնքի ղեկավարին՝ իրականացնելու ծախսեր բյուջեի «Կապիտալ դրամաշնորհներ պետական և համայնքային ոչ առևտրային կազմակերպություններին» հոդվածից և «Զովքի Գ․Շահինյանի անվան միջնակարգ դպրոց» պետական ոչ առևտրային կազմակերպությանը հատկացնել 990 000 (ինը հարյուր իննսուն հազար) Հայաստանի Հանրապետության դրամ՝ դպրոցի կարիքների համար դյուրակիր համակարգիչներ ձեռք բերելու նպատակով:

2. Սույն որոշումն ուժի մեջ է մտնում ստորագրման օրվանից։