Զեկ. ՆՈՐԱՅՐ ՍԱՆԹՐՈՍՅԱՆ

Ղեկավարվելով Հողային օրենսգրքի 66-րդ հոդվածի առաջին մասի 4-րդ կետի, «Տեղական ինքնակառավարման մասին» օրենքի 18-րդ հոդվածի առաջին մասի 21-րդ կետի, Հայաստանի Հանրապետության կառավարության 2021 թվականի ապրիլի 29-ի թիվ 698-Ն և 2006 թվականի մայիսի 18-ի թիվ 912-Ն որոշումների պահանջներով, հիմք ընդունելով «ԳԵՈԿԱԴ 55» սահմանափակ պատասխանատվությամբ ընկերության կողմից 2024 թվականի սեպտեմբերի 24-ին կազմված և սահմանված կարգով հաստատված հողամասի հատակագիծը և հաշվի առնելով այն, որ Ջրվեժ համայնքի Ջրվեժ գյուղի 07-057-0217 կադաստրային ծածկագրով թաղամասում գտնվող  26,2 քառ.մետր մակերեսով բնակավայրերի բնակելի կառուցապատման հողամասի և վրան ինքնակամ կառուցված թիվ 1 տնտեսական շինության՝ 7,0 քառ.մետր և թիվ 2 պարիսպի՝ 0,36 քառ.մետր արտաքին մակերեսներով, նկատմամբ գոյություն չունի որևէ իրավունք հաստատող փաստաթուղթ և հիմք ընդունելով նշված համայնքային սեփականություն հանդիսացող հողամասում ինքնակամ կառույցներ իրականացրած անձի՝ Արմեն Պողոսյանի խնդրանքը, համայնքի ավագանին որոշում է.

1.Ճանաչել համայնքային սեփականության իրավունքը 07-057-0217 կադաստրային ծածկագրով թաղամասում գտնվող 26,2 քառ.մետր մակերեսով բնակավայրերի բնակելի կառուցապատման հողամասի և վրան ինքնակամ կառուցված շինությունների նկատմամբ (թիվ 1 տնտեսական շինություն՝ 7,0 քառ.մետր և թիվ 2 պարիսպ՝ 0,36 քառ.մետր արտաքին մակերեսներով):

2.Առաջարկել համայնքի ղեկավարին՝ օրենքով սահմանված կարգով կատարելու վերը նշված անշարժ գույքի նկատմամբ համայնքային սեփականության իրավունքի պետական գրանցում:

3.Ջրվեժ համայնքի Ջրվեժ գյուղի 07-057-0217 կադաստրային ծածկագրով թաղամասում գտնվող  26,2 քառ.մետր մակերեսով բնակավայրերի բնակելի կառուցապատման հողամասի և վրան ինքնակամ կառուցված թիվ 1 տնտեսական շինության և թիվ 2 պարիսպի նկատմամբ համայնքային սեփականության իրավունքի պետական գրացում կատարելուց հետո թույլատրել համայնքի ղեկավարին` քաղաքացի Արմեն Պողոսյանի կողմից փաստացի տիրապետվող և օգտագործվող համայնքային սեփականություն հանդիսացող Ջրվեժ համայնքի Ջրվեժ գյուղի 07-057-0217 կադաստրային ծածկագրով թաղամասում գտնվող  26,2 քառ.մետր մակերեսով բնակավայրերի բնակելի կառուցապատման հողամասը և վրան ինքնակամ կառուցված թիվ 1 տնտեսական շինությունը՝ 7,0 քառ.մետր և թիվ 2 պարիսպը՝ 0,36 քառ.մետր արտաքին մակերեսներով, ուղղակի վաճառքի ձևով, որպես տվյալ կառույցն իրականացրած անձի, գնման նախապատվության իրավունքով օտարել Արմեն Պողոսյանին, ընդ որում՝ հողամասի կադաստրային  արժեքը  կազմում  է  275 462 (երկու հարյուր յոթանասունհինգ հազար չորս հարյուր վաթսուներկու), իսկ 7,36 քառ.մետր ընդհանուր մակերեսով տնտեսական շինության և պարիսպի վաճառքի արժեքը՝ 40 112 (քառասուն հազար մեկ հարյուր տասներկու) Հայաստանի Հանրապետության դրամ: