Հարցի քննարկման համար հիմք է հանդիսացել քաղաքացիներ Աշխեն Հենրիկի Սիմոնյանի (ծնված՝ 1968 թվականի մարտի 26-ին), Արթուր Վարազդատի Բաբայանի (ծնված՝ 1998 թվականի մարտի 09-ին) և Սեդա Վարազդատի Բաբայանի (ծնված՝ 1995 թվականի մարտի 19-ին) Ջրվեժի համայնքապետարանին հասցեագրված դիմումը, որով ցանկություն են հայտնել օրինականացնել ընդհանուր բաժնային սեփականության իրավունքով իրենց պատկանող Կոտայքի մարզի Ջրվեժ համայնքի Ձորաղբյուր գյուղի Ազատության փողոցի թիվ 104 հասցեի բնակավայրերի բնակելի կառուցապատման հողամասում ինքնակամ կառուցված շինությունները (հիմք՝ ըստ օրենքի ժառանգության իրավունքի վկայագրեր, վավերացված 2016 թվականի հուլիսի 18-ին, «ԳԵՈՍՓԵՅՍ» սահմանափակ պատասխանատվությամբ ընկերության կողմից 2024 թվականի սեպտեմբերի 02-ին կազմված և սահմանված կարգով հաստատված հատակագիծը, ինքնակամ կառույցը Կադաստրի կոմիտեում հաշվառված լինելու փաստը հավաստող ծածկագիր՝ 2024L73EXM, մուտքագրված 2024 թվականի սեպտեմբերի 07-ին):

Համաձայն համայնքի կադաստրային քարտեզի և «ԳԵՈՍՓԵՅՍ» սահմանափակ պատասխանատվությամբ ընկերության կողմից կազմված և սահմանված կարգով հաստատված հատակագծի պարզվել է, որ Աշխեն Հենրիկի Սիմոնյանին, Արթուր և Սեդա Վարազդատի Բաբայաններին ընդհանուր բաժնային սեփականության իրավունքով պատկանող Կոտայքի մարզի Ջրվեժ համայնքի Ձորաղբյուր գյուղի Ազատության փողոցի թիվ 104 հասցեի բնակավայրի բնակելի կառուցապատման հողամասում 2009 թվականին ինքնակամ կառուցվել է թիվ 2 կաթսայատունը՝ 4,3 քառ․մետր, թիվ 3 լոգարանը և աստիճանահարթակը՝ 10,3 քառ.մետր, թիվ 4, 5, 7, 9 ծածկերը՝ ընդհանուր 122,3 քառ.մետր, թիվ 6 ավտոտնակը՝ 11,7 քառ.մետր, թիվ 8 անասնաշենքը՝ 17,6 քառ.մետր, թիվ 10, 11 պարիսպները՝ ընդհանուր 9,5 քառ.մետր արտաքին մակերեսներով։ 

Ղեկավարվելով Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 10, 11 և 13-րդ կետերի պահանջներով և հաշվի առնելով այն, որ Աշխեն Հենրիկի Սիմոնյանին, Արթուր և Սեդա Վարազդատի Բաբայաններին ընդհանուր բաժնային սեփականության իրավունքով պատկանող Կոտայքի մարզի Ջրվեժ համայնքի Ձորաղբյուր գյուղի Ազատության փողոցի թիվ 104 հասցեի բնակավայրի բնակելի կառուցապատման հողամասում ինքնակամ կառուցված շինությունների պահպանումը չի խախտում այլ անձանց իրավունքները և օրենքով պահպանվող շահերը, ինքնակամ շինությունները կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի և կանոնների էական խախտումներով և չեն առաջացնում հարկադիր սերվիտուտ պահանջելու իրավունք, որոշում եմ.

1.Աշխեն Հենրիկի Սիմոնյանին, Արթուր և Սեդա Վարազդատի Բաբայաններին ընդհանուր բաժնային սեփականության իրավունքով պատկանող Կոտայքի մարզի Ջրվեժ համայնքի Ձորաղբյուր գյուղի Ազատության փողոցի թիվ 104 հասցեի բնակավայրի բնակելի կառուցապատման հողամասում 2009 թվականին ինքնակամ կառուցված թիվ 2 կաթսայատունը՝ 4,3 քառ․մետր, թիվ 3 լոգարանը և աստիճանահարթակը՝ 10,3 քառ.մետր, թիվ 4, 5, 7, 9 ծածկերը՝ ընդհանուր 122,3 քառ.մետր, թիվ 6 ավտոտնակը՝ 11,7 քառ.մետր, թիվ 8 անասնաշենքը՝ 17,6 քառ.մետր, թիվ 10, 11 պարիսպները՝ ընդհանուր 9,5 քառ.մետր արտաքին մակերեսներով, համարել օրինական: 

2.Սահմանել, որ հողամասի սեփականատերերը.

1)սույն որոշման ընդունման օրվանից 60-օրյա ժամկետում Ջրվեժ համայնքի բյուջեի N 900105221213 հաշվին պետք է վճարեն Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաշվարկված 244 153 (երկու հարյուր քառասունչորս հազար մեկ հարյուր հիսուներեք) Հայաստանի Հանրապետության դրամ օրինականացման վճարը։

2)իրենց միջոցների հաշվին պետք է վճարեն կառույցի գույքային իրավունքների պետական գրանցման հետ կապված վճարներն ու տուրքերը։

3.Սահմանել, որ սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում նշված ինքնակամ կառույցը ենթակա չէ պետական գրանցման, իսկ սույն որոշումը համարվում է ուժը կորցրած։

4.Որոշման կատարման կազմակերպումն ու պատասխանատվությունը դնել աշխատակազմի գլխավոր մասնագետ Վահե Սիրականյանի վրա:

5.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Արմինե Պետրոսյանը։

6.Սույն որոշումն ուժի մեջ է մտնում՝ Աշխեն Հենրիկի Սիմոնյանին, Արթուր և Սեդա Վարազդատի Բաբայաններին որոշման ընդունման մասին իրազեկելու օրվան հաջորդող օրվանից: