Հարցի քննարկման համար հիմք է հանդիսացել քաղաքացի Վանիկ Ստեփանի Ստեփանյանի (ծնված՝ 1942 թվականի մայիսի 12-ին) Ջրվեժի համայնքապետարանին հասցեագրված դիմումը, որով ցանկություն է հայտնել ճանաչել սեփականության իրավունքը Ջրվեժ համայնքի Ձորաղբյուր գյուղում գտնվող, իր կողմից փաստացի օգտագործվող 07-042-0406-0015 կադաստրային համարի 3961,0 քառ.մետր մակերեսով գյուղատնտեսական նշանակության վարելահողի նկատմամբ և հաշվի առնելով այն, որ նշված հողակտորում նրա կողմից հիմնվել է այգի, այն փոխադրել ավելի բարձրարժեք հողատեսքի՝ հնդավոր այգու (հիմք՝ «Հայաստանի Ազգային Արխիվ» պետական ոչ առևտրային կազմակերպության կողմից 2019 թվականի սեպտեմբերի 27-ին տրված թիվ Աբ-2160 արխիվային տեղեկանք, «ԳԵՈԼԵՆԴ» սահմանափակ պատասխանատվությամբ ընկերության կողմից 2024 թվականի օգոստոսի 29-ին կազմված և սահմանված կարգով հաստատված հատակագիծը):
Համաձայն համայնքի կադաստրային քարտեզի և «ԳԵՈԼԵՆԴ» սահմանափակ պատասխանատվությամբ ընկերության կողմից կազմված և սահմանված կարգով հաստատված հատակագծի և տեղում կատարված ուսումնասիրությունից պարզվել է, որ Վանիկ Ստեփանի Ստեփանյանի կողմից փաստացի օգտագործվող գյուղատնտեսական նշանակության վարելահողի չափը փաստաթղթերում ամրագրված 2000,0 քառ.մետրի փոխարեն կազմում է 3961,0 քառ.մետր, որտեղ նրա կողմից հիմնվել է հնդավոր այգի։
Տեղում կատարած ուսումնասիրությունից ելնելով և ղեկավարվելով «Ինքնակամ կառուցված շենքերի, շինությունների և ինքնակամ զբաղեցրած հողամասերի իրավական կարգավիճակի մասին» օրենքի 7-րդ հոդվածի 1-ին մասի, Հայաստանի Հանրապետության կառավարության 2009 թվականի սեպտեմբերի 17-ի թիվ 1066-Ն որոշմամբ հաստատված կարգի 7-րդ կետի պահանջներով և նկատի ունենալով այն հանգամանքը, որ Վանիկ Ստեփանի Ստեփանյանին հատկացված հողամասից կադաստրային քարտեզագրման արդյունքում հաշվառված ավել օգտագործվող հողամասը նախատեսված չէ այլ նպատակային և գործառնական նշանակությամբ օգտագործելու համար, ընդգրկված չէ Հողային օրենսգրքի 60-րդ հոդվածով նախատեսված սահմանափակումների ցանկում, ընդգրկված չէ ինժեներատրանսպորտային օբյեկտների օտարման կամ անվտանգության, ինչպես նաև հնագիտական պատմամշակութային հողերի պահպանման գոտիներում, չի սահմանափակում այլ անձանց իրավունքները և չի առաջացնում սերվիտուտ, ինչպես նաև հողամասում հիմնվել է հնդավոր այգի, որոշում եմ.
1.Ճանաչել Վանիկ Ստեփանի Ստեփանյանի սեփականության իրավունքը ըստ կադաստրային քարտեզագրման արդյունքների Ջրվեժ համայնքի Ձորաղբյուր գյուղում գտնվող, իր կողմից փաստացի օգտագործվող 3961,0 քառ.մետր մակերեսով գյուղատնտեսական նշանակության վարելահողի նկատմամբ, որը նրանց կողմից փաստացի օգտագործվել է նաև մինչև 2001 թվականի մայիսի 15-ը։
2. Վանիկ Ստեփանի Ստեփանյանին սեփականության իրավունքով պատկանող Ջրվեժ համայնքի Ձորաղբյուր գյուղում գտնվող 07-042-0406-0015 կադաստրային համարի 3961,0 քառ.մետր մակերեսով գյուղատնտեսական նշանակության վարելահողը փոխադրել ավելի բարձրարժեք հողատեսքի՝ 4-րդ կարգի հնդավոր այգու:
3.Հողամասի սահմանները որոշվում են Ջրվեժ համայնքի ղեկավարի կողմից հաստատված հատակագծով։
4.Աշխատակազմի գլխավոր մասնագետ Հուսիկ Գրիգորյանին՝ իրականացնել հսկողություն սույն որոշման առաջին կետում նշված գյուղատնտեսական նշանակության վարելահողից ավելի բարձրարժեք հողատեսքի փոխադրելու նկատմամբ և պետական գրանցում ստանալուց հետո ընդգրկել համայնքի տարեկան, ընթացիկ հաշվառման և համայնքի հողային հաշվեկշռում:
5.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Արմինե Պետրոսյանը։