Ղեկավարվելով «Տեղական ինքնակառավարման մասին» օրենքի 13-րդ հոդվածի 10-րդ մասի, 18-րդ հոդվածի 1-ին մասի 42-րդ կետի պահանջներով, և հիմք ընդունելով Հայաստանյաց Առաքելական Սուրբ եկեղեցու հոգևոր թեմի առաջնորդի՝ 2024 թվականի մարտի 29-ի գրությամբ ներկայացված խնդրանքը՝ Կոտայքի մարզի ծայրահեղ անապահով ընտանիքներին օգնություն ցուցաբերելու նպատակով և Ջրվեժի սուրբ Կաթողիկե եկեղեցու հոգևոր հովիվների՝ 2024 թվականի ապրիլի 2-ի գրությամբ ներկայացված խնդրանքը՝ Ջրվեժի Հայ Առաքելական Սբ․Կաթողիկե եկեղեցու ուխտի օրվա միջոցառումը կազմակերպելու նպատակով ֆինանսական աջակցություն ստանալու մասին, համայնքի ավագանին որոշում է. 

1.Թույլատրել համայնքի ղեկավարին՝ իրականացնելու ծախսեր բյուջեի «Այլ ընթացիկ դրամաշնորհներ» հոդվածից և Կոտայքի թեմի առաջնորդարանին հատկացնել 400 000 (չորս հարյուր հազար) Հայաստանի Հանրապետության դրամ գումար՝ Կոտայքի մարզի ծայրահեղ անապահով ընտանիքներին օգնություն ցուցաբերելու նպատակով:

2․Թույլատրել համայնքի ղեկավարին՝ իրականացնելու ծախսեր բյուջեի «Այլ ընթացիկ դրամաշնորհներ» հոդվածից  և Կոտայքի թեմի առաջնորդարանին հատկացնել 500 000 (հինգ հարյուր հազար) Հայաստանի Հանրապետության դրամ գումար՝ Ջրվեժի Հայ Առաքելական Սբ․Կաթողիկե եկեղեցու ուխտի օրվա միջոցառումը կազմակերպելու նպատակով:

3.Սույն որոշումն ուժի մեջ է մտնում ստորագրման օրվանից։