Ղեկավարվելով «Տեղական ինքնակառավարման մասին» օրենքի 37-րդ հոդվածի 1-ին մասի 3-րդ կետի, «Նորմատիվ իրավական ակտերի մասին» օրենքի 4-րդ հոդվածի պահանջներով և հիմք ընդունելով համայնքի ավագանու 2017 թվականի նոյեմբերի 21-ի N 40-Ն որոշումը, որոշում եմ

1․Հայաստանի Հանրապետության Կոտայքի մարզի Ջրվեժ համայնքում 2026 թվականի տեղական տուրքերի և վճարների տեսակների և դրույքաչափերի, 2026 թվականի տեղական վճարների գծով արտոնությունների սահմանման նախագծերի վերաբերյալ կազմակերպել հանրային քննարկում:

2․ Հաստատել Հայաստանի Հանրապետության Կոտայքի մարզի Ջրվեժ համայնքում 2026 թվականի տեղական տուրքերի և վճարների տեսակների և  դրույքաչափերի, 2026 թվականի տեղական վճարների գծով արտոնությունների սահմանման  նախագծերի վերաբերյալ կազմակերպվող հանրային քննարկման հրավերը` համաձայն հավելվածի:

3․ Հանրային քննարկման ընթացքում իրականացվող բաց լսումների անցկացումը հանձնարարել Ջրվեժ համայնքի ղեկավարին կից «Համայնքի զարգացման հնգամյա ծրագրի և տարեկան բյուջեի կառավարման» խորհրդակցական մարմնի անդամ Սոնա Հովհաննիսյանին։ 

4․ Հանձնարարել ֆինանսատնտեսագիտական, եկամուտների հաշվառման և հավաքագրման, ծրագրերի կազմման և համակարգման բաժնի պետ Սոնա Հովհաննիսյանին` համայնքապետարանի համացանցային կայքում և համայնքի տեղեկատվական կառավարման համակարգում տեղադրել Հայաստանի Հանրապետության Կոտայքի մարզի Ջրվեժ համայնքում 2026 թվականի տեղական տուրքերի և վճարների տեսակների և դրույքաչափերի, 2026 թվականի տեղական վճարների գծով արտոնությունների սահմանման նախագծերի վերաբերյալ կազմակերպվող հանրային քննարկման հրավերը, ինչպես նաև այն փակցնել համայնքի ղեկավարի, վարչական ղեկավարների նստավայրերում` բոլորի համար մատչելի ու տեսանելի տեղերում և այն վայրերում, որոնք մատչելի են համայնքի բնակիչներին՝ առնվազն մեկ տեղ յուրաքանչյուր երեք հարյուր բնակչի համար:

5․Սույն որոշման կատարման կազմակերպումն ու պատասխանատվությունը դնել աշխատակազմի ֆինանսատնտեսագիտական, եկամուտների հաշվառման և հավաքագրման, ծրագրերի կազմման և համակարգման բաժնի պետ Սոնա Հովհաննիսյանի վրա:

6.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Արմինե Պետրոսյանը։