Հարցի քննարկման համար հիմք է հանդիսացել քաղաքացիներ Անահիտ Ռաֆայելի Փարեմուզյանի (ծնված՝ 1971 թվականի հուլիսի 9-ին) և Նարինե Ռաֆայելի Փարեմուզյանի (ծնված՝ 1969 թվականի հուլիսի 23-ին) Ջրվեժի համայնքապետարանին հասցեագրված դիմումը, որով ցանկություն են հայտնել օրինականացնելու ընդհանուր բաժնային սեփականության իրավունքով իրենց պատկանող Կոտայքի մարզի Ջրվեժ համայնքի Ձորաղբյուր գյուղի 07-042-0066-0020 կադաստրային ծածկագրով բնակավայրերի բնակելի կառուցապատման հողամասում ինքնակամ կառուցված շինությունները (հիմք՝ ըստ օրենքի ժառանգության իրավունքի վկայագրեր, վավերացված 2019 թվականի դեկտեմբերի 10-ին, անհատ ձեռնարկատեր Արմեն Դավթյանի կողմից 2024 թվականի  օգոստոսի 28-ին կազմված և սահմանված կարգով հաստատված հատակագիծը, ինքնակամ կառույցը Կադաստրի կոմիտեում հաշվառված լինելու փաստը հավաստող ծածկագիր՝ 2024FLDVY7, մուտքագրված 2024 թվականի հոկտեմբերի 25-ին):

Համաձայն համայնքի կադաստրային քարտեզի և անհատ ձեռնարկատեր Արմեն Դավթյանի կողմից կազմված և սահմանված կարգով հաստատված հատակագծի պարզվել է, որ Անահիտ և Նարինե Ռաֆայելի Փարեմուզյաններին ընդհանուր բաժնային սեփականության իրավունքով պատկանող Կոտայքի մարզի Ջրվեժ համայնքի Ձորաղբյուր գյուղի 07-042-0066-0020 կադաստրային ծածկագրով բնակավայրերի բնակելի կառուցապատման հողամասում 1991 թվականին ինքնակամ կառուցվել է թիվ 1 բնակելի տունը՝ ընդհանուր 454,92 քառ․մետր, թիվ 4, 5, 6 պարիսպները՝ ընդհանուր 16,01 քառ.մետր արտաքին մակերեսներով, 2013 թվականին ինքնակամ կառուցվել է թիվ 2 լողավազանը՝ 23,5 քառ.մետր և թիվ 3 ծածկը՝ 16,24 քառ.մետր արտաքին մակերեսներով:

Ղեկավարվելով Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 50-րդ և 53-րդ կետերի, 2006 թվականի մայիսի 18-ի N 912-Ն որոշման 4-րդ կետի, նույն որոշմամբ հաստատված կարգի 10-րդ, 11-րդ, 13-րդ և 22.1 կետերի պահանջներով և հաշվի առնելով այն, որ Անահիտ և Նարինե Ռաֆայելի Փարեմուզյաններին ընդհանուր բաժնային սեփականության իրավունքով պատկանող Կոտայքի մարզի Ջրվեժ համայնքի Ձորաղբյուր գյուղի 07-042-0066-0020 կադաստրային ծածկագրով բնակավայրերի բնակելի կառուցապատման հողամասում ինքնակամ կառուցված շինությունների պահպանումը չի խախտում այլ անձանց իրավունքները և օրենքով պահպանվող շահերը, ինքնակամ շինությունները կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք, որոշում եմ.

1.Անահիտ և Նարինե Ռաֆայելի Փարեմուզյաններին ընդհանուր բաժնային սեփականության իրավունքով պատկանող Կոտայքի մարզի Ջրվեժ համայնքի Ձորաղբյուր գյուղի 07-042-0066-0020 կադաստրային ծածկագրով բնակավայրերի բնակելի կառուցապատման հողամասին տրամադրել հասցե՝ համայնք Ջրվեժ, գյուղ Ձորաղբյուր, Երիտասարդության փողոց, թիվ 14։

2.Անահիտ և Նարինե Ռաֆայելի Փարեմուզյաններին ընդհանուր բաժնային սեփականության իրավունքով պատկանող Ջրվեժ համայնքի Ձորաղբյուր գյուղի Երիտասարդության փողոցի թիվ 14 հասցեի բնակավայրերի բնակելի կառուցապատման հողամասում 1991 թվականին ինքնակամ կառուցված թիվ 1 բնակելի տունը՝ ընդհանուր 454,92 քառ․մետր, թիվ 4, 5, 6 պարիսպները՝ ընդհանուր 16,01 քառ.մետր արտաքին մակերեսներով, 2013 թվականին ինքնակամ կառուցված թիվ 2 լողավազանը՝ 23,5 քառ.մետր և թիվ 3 ծածկը՝ 16,24 քառ.մետր արտաքին մակերեսներով, համարել օրինական։

3.Սահմանել, որ հողամասի սեփականատերերը.

1)սույն որոշման ընդունման օրվանից 60-օրյա ժամկետում Ջրվեժ համայնքի բյուջեի N 900105221213 հաշվին պետք է վճարեն Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաշվարկված 55 223 (հիսունհինգ հազար երկու հարյուր քսաներեք) Հայաստանի Հանրապետության դրամ օրինականացման վճարը.

2)իրենց միջոցների հաշվին պետք է վճարեն կառույցի գույքային իրավունքների պետական գրանցման հետ կապված վճարներն ու տուրքերը։

4.Սահմանել, որ սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում նշված ինքնակամ կառույցները ենթակա չեն պետական գրանցման, իսկ սույն որոշումը համարվում է ուժը կորցրած։

5.Որոշման կատարման կազմակերպումն ու պատասխանատվությունը դնել աշխատակազմի գլխավոր մասնագետ Վահե Սիրականյանի վրա:

6.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Արմինե Պետրոսյանը։

7.Սույն որոշումն ուժի մեջ է մտնում՝ Անահիտ և Նարինե Ռաֆայելի Փարեմուզյաններին  որոշման ընդունման մասին իրազեկելու օրվան հաջորդող օրվանից: