Հարցի քննարկման համար հիմք է հանդիսացել քաղաքացի Սարիբեկ Ներսեսի Մարտիրոսյանի ծնված՝ 1950 թվականի սեպտեմբերի 01-ին) Ջրվեժի համայնքապետարանին հասցեագրված դիմումը, որով ցանկություն է հայտնել ճանաչել իր սեփականության իրավունքը Ջրվեժ համայնքի Ձորաղբյուր գյուղի 219-րդ թաղամասի թիվ 7 հասցեի՝ իր կողմից փաստացի օգտագործվող 539,2 քառ.մետր մակերեսով բնակավայրերի բնակելի կառուցապատման հողակտորի նկատմամբ (հիմք՝ «Հայաստանի ազգային արխիվ» պետական ոչ առևտրային կազմակերպության կողմից 2025 թվականի սեպտեմբերի 10-ին տրված թիվ Աբ-1689 արխիվային տեղեկանք, «ԳԵՈԹԵՐՔ» սահմանափակ պատասխանատվությամբ ընկերության կողմից 2025 թվականի սեպտեմբերի 18-ին կազմված և սահմանված կարգով հաստատված հատակագիծը:
Համաձայն համայնքի կադաստրային քարտեզի և «ԳԵՈԹԵՐՔ» սահմանափակ պատասխանատվությամբ ընկերության կողմից սահմանված կարգով հաստատված հատակագծի պարզվել է, որ Ջրվեժ համայնքի Ձորաղբյուր գյուղի 219-րդ թաղամաս թիվ 7 հասցեում գտնվող Սարիբեկ Ներսեսի Մարտիրոսյանի կողմից փաստացի օգտագործվող տնամերձ հողամասի չափը կազմում է 539,2 քառ.մետր` փաստաթղթերում ամրագրված 510,0 քառ.մետրի փոխարեն:
Ղեկավարվելով «Ինքնակամ կառուցված շենքերի, շինությունների և ինքնակամ զբաղեցրած հողամասերի իրավական կարգավիճակի մասին» օրենքի 7-րդ հոդվածի 1-ին մասի պահանջով և նկատի ունենալով այն հանգամանքը, որ Սարիբեկ Ներսեսի Մարտիրոսյանին հատկացված հողամասից կադաստրային քարտեզագրման արդյունքում հաշվառված ավել օգտագործվող հողամասը նախատեսված չէ այլ նպատակային և գործառնական նշանակությամբ օգտագործելու համար, ընդգրկված չէ Հողային օրենսգրքի 60-րդ հոդվածով նախատեսված սահմանափակումների ցանկում, ընդգրկված չէ ինժեներատրանսպորտային օբյեկտների օտարման կամ անվտանգության, ինչպես նաև հնագիտական պատմամշակութային հողերի պահպանման գոտիներում, չի սահմանափակում այլ անձանց իրավունքները և չի առաջացնում սերվիտուտ, որոշում եմ.
1.Ճանաչել Սարիբեկ Ներսեսի Մարտիրոսյանի սեփականության իրավունքն ըստ կադաստրային քարտեզագրման արդյունքների Ջրվեժ համայնքի Ձորաղբյուր գյուղի 219-րդ թաղամաս թիվ 7 հասցեի՝ փաստացի օգտագործվող 539,2 քառ.մետր մակերեսով տնամերձ հողամասի նկատմամբ, որը նրա կողմից փաստացի օգտագործվել է նաև մինչև 2001 թվականի մայիսի 15-ը։
2.Հողամասի սահմանները որոշվում են Ջրվեժ համայնքի ղեկավարի կողմից հաստատված հատակագծով։
3.Որոշման կատարման կազմակերպումն ու պատասխանատվությունը դնել աշխատակազմի առաջատար մասնագետ Գրիգոր Սերոբյանի վրա:
4.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Արմինե Պետրոսյանը։