Հարցի քննարկման համար հիմք է հանդիսացել քաղաքացի Կարեն Խիկարի Ավետիսյանի (ծնված՝ 1974 թվականի նոյեմբերի 16-ին) և Աննա Պավլուշի Հովհաննիսյանի (ծնված՝ 1977 թվականի փետրվարի 16-ին) Ջրվեժի համայնքապետարանին հասցեագրված դիմումը, որով ցանկություն են հայտնել օրինականացնելու ընդհանուր բաժնային սեփականության իրավունքով իրենց պատկանող Կոտայքի մարզի Ջրվեժ համայնքի Ձորաղբյուր գյուղի 131-րդ թաղամասի թիվ 9 հասցեի բնակավայրերի բնակելի կառուցապատման հողամասում ինքնակամ կառուցված շինությունները (հիմք՝ անշարժ գույքի սեփականության (օգտագործման) իրավունքի գրանցման թիվ 2811736 վկայական, տրված 2011 թվականի հուլիսի 01-ին, «ԳԵՈԿԱԴ 55» սահմանափակ պատասխանատվությամբ ընկերության կողմից 2024 թվականի ապրիլի 4-ին կազմված և սահմանված կարգով հաստատված հատակագիծը, ինքնակամ կառույցը Կադաստրի կոմիտեում հաշվառված լինելու փաստը հավաստող ծածկագիր՝ 2024N8YSBY, մուտքագրված 2024 թվականի ապրիլի 5-ին):

Համաձայն համայնքի կադաստրային քարտեզի և «ԳԵՈԿԱԴ 55» սահմանափակ պատասխանատվությամբ ընկերության կողմից կազմված և սահմանված կարգով հաստատված հատակագծի պարզվել է, որ Կարեն Խիկարի Ավետիսյանին և Աննա Պավլուշի Հովհաննիսյանին ընդհանուր բաժնային սեփականության իրավունքով պատկանող Կոտայքի մարզի Ջրվեժ համայնքի Ձորաղբյուր գյուղի 131-րդ թաղամասի թիվ 9 հասցեի բնակավայրի բնակելի կառուցապատման հողամասում 2012-2018 թվականներին ինքնակամ կառուցվել է թիվ 1 այգետնակը` ընդհանուր 195,9 քառ.մետր, թիվ 3, 4 զուգարանները՝ ընդհանուր 5,05 քառ.մետր, թիվ 5 ծածկը՝ 3,95 քառ.մետր, թիվ 6, 7, 8, 9 հարթակները՝ ընդհանուր 6,74 քառ.մետր և թիվ 10, 11, 12, 13, 14 պարիսպները՝ ընդհանուր 12,78 քառ․մետր արտաքին մակերեսներով:

Ղեկավարվելով Հայաստանի Հանրապետության կառավարության 2006 թվականի մայիսի 18-ի N 912-Ն որոշման 4-րդ կետի, նույն որոշմամբ հաստատված կարգի 10, 11, 13-րդ կետերի պահանջներով և հաշվի առնելով այն, որ Կարեն Խիկարի Ավետիսյանին և Աննա Պավլուշի Հովհաննիսյանին ընդհանուր բաժնային սեփականության իրավունքով պատկանող Կոտայքի մարզի Ջրվեժ համայնքի Ձորաղբյուր գյուղի 131-րդ թաղամասի թիվ 9 հասցեի բնակավայրի բնակելի կառուցապատման հողամասում ինքնակամ կառուցված շինությունների պահպանումը չի խախտում այլ անձանց իրավունքները և օրենքով պահպանվող շահերը, ինքնակամ շինությունները կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի և կանոնների էական խախտումներով և չեն առաջացնում հարկադիր սերվիտուտ պահանջելու իրավունք, որոշում եմ.

1.Կարեն Խիկարի Ավետիսյանին և Աննա Պավլուշի Հովհաննիսյանին ընդհանուր բաժնային սեփականության իրավունքով պատկանող Կոտայքի մարզի Ջրվեժ համայնքի Ձորաղբյուր գյուղի 131-րդ թաղամասի թիվ 9 հասցեի բնակավայրի բնակելի կառուցապատման հողամասում 2012-2018 թվականներին ինքնակամ կառուցված թիվ 1 այգետնակը` ընդհանուր 195,9 քառ.մետր, թիվ 3, 4 զուգարանները՝ ընդհանուր 5,05 քառ.մետր, թիվ 5 ծածկը՝ 3,95 քառ.մետր, թիվ 6, 7, 8, 9 հարթակները՝ ընդհանուր 6,74 քառ.մետր և թիվ 10, 11, 12, 13, 14 պարիսպները՝ ընդհանուր 12,78 քառ․մետր արտաքին մակերեսներով, համարել օրինական: 

2.Սահմանել, որ հողամասի սեփականատերերը.

1)սույն որոշման ընդունման օրվանից 60-օրյա ժամկետում Ջրվեժ համայնքի բյուջեի N 900105221213 հաշվին պետք է վճարեն Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաշվարկված 419 422 (չորս հարյուր տասնինը հազար չորս հարյուր քսաներկու) Հայաստանի Հանրապետության դրամ օրինականացման վճարը.

2)իրենց միջոցների հաշվին պետք է վճարեն կառույցի գույքային իրավունքների պետական գրանցման հետ կապված վճարներն ու տուրքերը։

3.Սահմանել, որ սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում նշված ինքնակամ կառույցները ենթակա չեն պետական գրանցման, իսկ սույն որոշումը համարվում է ուժը կորցրած։

4.Որոշման կատարման կազմակերպումն ու պատասխանատվությունը դնել աշխատակազմի առաջատար մասնագետ Գրիգոր Սերոբյանի վրա:

5.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը։

6.Սույն որոշումն ուժի մեջ է մտնում՝ Կարեն Խիկարի Ավետիսյանին և Աննա Պավլուշի Հովհաննիսյանին որոշման ընդունման մասին իրազեկելու օրվան հաջորդող օրվանից: