Հարցի քննարկման համար հիմք է հանդիսացել քաղաքացի Ժուլետա Վաղարշակի Գալստյանի (ծնված՝ 1956 թվականի մայիսի 4-ին) լիազոր ներկայացուցիչ Նիկոլայ Հովհաննեսի Վանյանի (ծնված՝ 1954 թվականի օգոստոսի 1-ին) Ջրվեժի համայնքապետարանին հասցեագրված դիմումը, որով ցանկություն է հայտնել օրինականացնել սեփականության իրավունքով Ժուլետա Վաղարշակի Գալստյանին պատկանող Կոտայքի մարզի Ջրվեժ գյուղի 3-րդ փողոցի թիվ 42 հասցեի բնակավայրերի բնակելի կառուցապատման հողամասում ինքնակամ կառուցված ավտոտնակը (հիմք՝  անշարժ գույքի սեփականության (օգտագործման) իրավունքի գրանցման թիվ 2617265 վկայական, տրված 2009 թվականի հունիսի 3-ին, «ՍԿԶԲՆԱԿԵՏ» սահմանափակ պատասխանատվությամբ ընկերության կողմից 2024 թվականի փետրվարի 1-ին կազմված և սահմանված կարգով հաստատված հատակագիծը, ինքնակամ կառույցը Կադաստրի կոմիտեում հաշվառված լինելու փաստը հավաստող ծածկագիր՝ 2024X3NVZ4, մուտքագրված 2024 թվականի մարտի 5-ին):

Համաձայն համայնքի կադաստրային քարտեզի և «ՍԿԶԲՆԱԿԵՏ» սահմանափակ պատասխանատվությամբ ընկերության կողմից կազմված և սահմանված կարգով հաստատված հատակագծի պարզվել է, որ Ժուլետա Վաղարշակի Գալստյանին սեփականության իրավունքով պատկանող Կոտայքի մարզի Ջրվեժ գյուղի 3-րդ փողոցի թիվ 42 հասցեի բնակավայրի բնակելի կառուցապատման հողամասում 2014 թվականին ինքնակամ կառուցվել է թիվ 6 ավտոտնակը՝ 68,53 քառ. մետր արտաքին մակերեսով։ 

Ղեկավարվելով Հայաստանի Հանրապետության կառավարության 2006 թվականի մայիսի 18-ի N 912-Ն որոշման 4-րդ կետի, նույն որոշմամբ հաստատված կարգի 10, 11, 13-րդ կետերի պահանջներով և հաշվի առնելով այն, որ Ժուլետա Վաղարշակի Գալստյանին սեփականության իրավունքով պատկանող Կոտայքի մարզի Ջրվեժ գյուղի 3-րդ փողոցի թիվ 42 հասցեի բնակավայրի բնակելի կառուցապատման հողամասում ինքնակամ կառուցված ավտոտնակի պահպանումը չի խախտում այլ անձանց իրավունքները և օրենքով պահպանվող շահերը, ինքնակամ ավտոտնակը կառուցված չէ ինժեներատրանսպորտային օբյեկտների օտարման կամ անվտանգության գոտիներում, կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք, որոշում եմ.

1.Ժուլետա Վաղարշակի Գալստյանին սեփականության իրավունքով պատկանող Կոտայքի մարզի Ջրվեժ համայնքի Ջրվեժ գյուղի 3-րդ փողոցի թիվ 42 հասցեի բնակավայրի բնակելի կառուցապատման հողամասում 2014 թվականին ինքնակամ կառուցված թիվ 6 ավտոտնակը՝ 68,53 քառ.մետր արտաքին մակերեսով, համարել օրինական: 

2.Սահմանել, որ հողամասի սեփականատերը.

1)սույն որոշման ընդունման օրվանից 60-օրյա ժամկետում Ջրվեժ համայնքի բյուջեի N 900105228218 հաշվին պետք է վճարի Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաշվարկված 131 825 (մեկ հարյուր երեսունմեկ հազար ութ հարյուր քսանհինգ) Հայաստանի Հանրապետության դրամ օրինականացման վճարը.

2)իր միջոցների հաշվին պետք է վճարի կառույցի գույքային իրավունքների պետական գրանցման հետ կապված վճարներն ու տուրքերը։

3.Սահմանել, որ սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում նշված ինքնակամ կառույցը ենթակա չէ պետական գրանցման, իսկ սույն որոշումը համարվում է ուժը կորցրած։

4.Որոշման կատարման կազմակերպումն ու պատասխանատվությունը դնել աշխատակազմի գլխավոր մասնագետ Վահե Սիրականյանի վրա:

5.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը։

6.Սույն որոշումն ուժի մեջ է մտնում՝ Ժուլետա Վաղարշակի Գալստյանին որոշման ընդունման մասին իրազեկելու օրվան հաջորդող օրվանից: