Հարցի քննարկման համար հիմք է հանդիսացել քաղաքացի Սուսաննա Սարգսի Խաչումյանի (ծնված՝ 1970 թվականի հուլիսի 9-ին) Ջրվեժի համայնքապետարանին հասցեագրված դիմումը, որով ցանկություն է հայտնել սեփականության իրավունքով իրեն պատկանող Ջրվեժ համայնքի Ձորաղբյուր գյուղի 07-042-0384-0103 կադաստրային համարի 0,05 հա մակերեսով գյուղատնտեսական նշանակության վարելահողի նպատակային նշանակությունը փոխադրելու բնակավայրերի բնակելի կառուցապատման հողերի կատեգորիա` օրենսդրությամբ սահմանված կարգով բնակելի կառուցապատում իրականացնելու, ինչպես նաև օրինականացնելու նշված հողամասում ինքնակամ կառուցված շինությունները և ուժը կորցրած ճանաչելու համայնքի ղեկավարի 2024 թվականի սեպտեմբերի 4-ի թիվ 1165-Ա որոշումը (հիմք՝ անշարժ գույքի նկատմամբ իրավունքների պետական գրանցման թիվ 12042024–07–0097 վկայական, տրված 2024 թվականի ապրիլի 12-ին):
Կատարված ուսումնասիրությունից պարզվել է, որ Սուսաննա Սարգսի Խաչումյանին սեփականության իրավունքով պատկանող Ջրվեժ համայնքի Ձորաղբյուր գյուղի 07-042-0384-0103 կադաստրային համարի 0,05 հա մակերեսով գյուղատնտեսական նշանակության հողակտորում 2004-2018 թվականներին ինքնակամ կառուցվել է թիվ 1 բնակելի տունը՝ ընդհանուր 91,6 քառ.մետր, թիվ 2 ծածկարանը՝ 12,46 քառ․մետր, թիվ 3 ծածկարանը՝ 6,24 քառ․մետր, թիվ 4 ծածկարանը՝ 17,78 քառ․մետր և թիվ 5 պարիսպը՝ 4,25 քառ․մետր արտաքին մակերեսներով:
Ղեկավարվելով «Նորմատիվ իրավական ակտերի մասին» օրենքի 1-ին հոդվածի 2-րդ և 37-րդ հոդվածի 1-ին մասերով, Հողային օրենսգրքի 3-րդ հոդվածի առաջին մասի 1-ին կետի, «Քաղաքաշինության մասին» օրենքի 143-րդ հոդվածի 12-րդ մասի, Հայաստանի Հանրապետության կառավարության 2011 թվականի դեկտեմբերի 29-ի թիվ 1920-Ն որոշմամբ հաստատված կարգի 25-րդ կետի, 2006 թվականի մայիսի 18-ի N 912-Ն որոշման 4-րդ կետի, նույն որոշմամբ հաստատված կարգի 10-րդ, 11-րդ, 13-րդ կետերի, 2005 թվականի դեկտեմբերի 29-ի N 2387-Ն որոշմամբ հաստատված կարգի 50-րդ և 53-րդ կետերի պահանջներով, հիմք ընդունելով համայնքի ավագանու 2024 թվականի օգոստոսի 29-ի թիվ 100-Ն որոշումը և հաշվի առնելով այն, որ սեփականության իրավունքով Սուսաննա Սարգսի Խաչումյանին պատկանող Ջրվեժ համայնքի Ձորաղբյուր գյուղի 07-042-0384-0103 կադաստրային համարի հողակտորում ինքնակամ կառուցված շինությունների պահպանումը չի խախտում այլ անձանց իրավունքները և օրենքով պահպանվող շահերը, շինությունները կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի և կանոնների էական խախտումներով և չեն առաջացնում հարկադիր սերվիտուտ պահանջելու իրավունք, որոշում եմ.
1.Սուսաննա Սարգսի Խաչումյանին սեփականության իրավունքով պատկանող Ջրվեժ համայնքի Ձորաղբյուր գյուղի 07-042-0384-0103 կադաստրային համարի գյուղատնտեսական նշանակության վարելահողը` 0,05 հա մակերեսով, փոխադրել բնակավայրերի բնակելի կառուցապատման հողերի կատեգորիա` օրենսդրությամբ սահմանված կարգով բնակելի կառուցապատում իրականացնելու համար:
2.Սուսաննա Սարգսի Խաչումյանին սեփականության իրավունքով պատկանող Ջրվեժ համայնքի Ձորաղբյուր գյուղի 07-042-0384-0103 կադաստրային համարի 0,05 հա մակերեսով բնակավայրերի բնակելի կառուցապատման հողամասին տրամադրել հասցե` համայնք Ջրվեժ, գյուղ Ձորաղբյուր, 1-ին թաղամաս, թիվ 6/1:
3.Սուսաննա Սարգսի Խաչումյանին սեփականության իրավունքով պատկանող Ջրվեժ համայնքի Ձորաղբյուր գյուղի 1–ին թաղամասի թիվ 6/1 հասցեի բնակավայրերի բնակելի կառուցապատման հողամասում ինքնակամ կառուցված թիվ 1 բնակելի տունը՝ ընդհանուր 91,6 քառ.մետր, թիվ 2 ծածկարանը՝ 12,46 քառ․մետր, թիվ 3 ծածկարանը՝ 6,24 քառ․մետր, թիվ 4 ծածկարանը՝ 17,78 քառ․մետր և թիվ 5 պարիսպը՝ 4,25 քառ․մետր արտաքին մակերեսներով, համարել օրինական:
4.Սահմանել, որ հողամասի սեփականատերը.
1)սույն որոշման ընդունման օրվանից 60-օրյա ժամկետում, Ջրվեժ համայնքի բյուջեի N 900105221171 հաշվին պետք է վճարի հողամասի նպատակային նշանակության փոփոխման պահին առկա կադաստրային արժեքների տարբերությունը` 2 201 400 (երկու միլիոն երկու հարյուր մեկ հազար չորս հարյուր) Հայաստանի Հանրապետության դրամ, N 900105221213 հաշվին` 228 480 (երկու հարյուր քսանութ հազար չորս հարյուր ութսուն) Հայաստանի Հանրապետության դրամ` օրինականացման վճարը.
2)իր միջոցների հաշվին պետք է վճարի կառույցի գույքային իրավունքների պետական գրանցման հետ կապված վճարներն ու տուրքերը։
5.Սահմանել, որ սույն որոշման ընդունման օրվանից 60-օրյա ժամկետում սահմանված վճարումները չկատարելու դեպքում սույն որոշումը համարվում է ուժը կորցրած։
6.Աշխատակազմի գլխավոր մասնագետ Հուսիկ Գրիգորյանին`
1)իրականացնել հսկողություն սույն որոշման չորրորդ կետի նկատմամբ,
2)սույն որոշման առաջին կետում նշված հողի նպատակային նշանակության փոփոխությունը պետական գրանցում ստանալուց հետո ընդգրկել համայնքի տարեկան, ընթացիկ հաշվառման և համայնքի հողային հաշվեկշռում:
7.Ուժը կորցրած ճանաչել Ջրվեժ համայնքի ղեկավարի 2024 թվականի սեպտեմբերի 4-ի «Հողի նպատակային նշանակությունը փոխելու, անշարժ գույքին հասցե տրամադրելու և ինքնակամ կառուցված շինություններն օրինականացնելու մասին» N 1165-Ա որոշումը:
9.Սույն որոշումն ուժի մեջ է մտնում՝ Սուսաննա Սարգսի Խաչումյանին որոշման ընդունման մասին իրազեկելու օրվան հաջորդող օրվանից: