Հարցի քննարկման համար հիմք է հանդիսացել քաղաքացի Ռուզաննա Ռոբերտի Հյուսյանի (ծնված՝ 1962 թվականի հուլիսի 01-ին) Ջրվեժի համայնքապետարանին հասցեագրված դիմումը, որով ցանկություն է հայտնել օրինականացնել սեփականության իրավունքով իրեն պատկանող Կոտայքի մարզի Ջրվեժ համայնքի Ջրվեժ գյուղի 6-րդ թաղամասի թիվ 27 հասցեի բնակավայրերի բնակելի կառուցապատման հողամասում ինքնակամ կառուցված շինությունները (հիմք՝ անշարժ գույքի նկատմամբ իրավունքների պետական գրանցման թիվ 14112024-07-0004 վկայական, տրված 2024 թվականի նոյեմբերի 14-ին, անհատ ձեռնարկատեր Մարգարիտ Նիտալյանի կողմից 2024 թվականի հոկտեմբերի 16-ին կազմված և սահմանված կարգով հաստատված հատակագիծը):

Համաձայն համայնքի կադաստրային քարտեզի և անհատ ձեռնարկատեր Մարգարիտ Նիտալյանի կողմից կազմված և սահմանված կարգով հաստատված հատակագծի պարզվել է, որ Ռուզաննա Ռոբերտի Հյուսյանին սեփականության իրավունքով պատկանող Կոտայքի մարզի Ջրվեժ համայնքի Ջրվեժ գյուղի 6-րդ թաղամասի թիվ 27 հասցեի բնակավայրի բնակելի կառուցապատման հողամասում 2012 թվականին ինքնակամ կառուցվել է թիվ 1 բնակելի տունը` ընդհանուր 561,2 քառ.մետր, թիվ 2 ավտոտնակը՝ 75,5 քառ.մետր, թիվ 3 պահակակետը՝ 15,3 քառ.մետր, թիվ 4 օժանդակ շինությունը և լողավազանը՝ ընդհանուր 308,9 քառ.մետր, թիվ 5 ծածկը՝ 20,6 քառ.մետր և թիվ 6 պարիսպը՝ ընդհանուր 13,54 քառ.մետր արտաքին մակերեսներով:

Ղեկավարվելով Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 50-րդ և 62-րդ կետերի, 2006 թվականի մայիսի 18-ի N 912-Ն որոշման 4-րդ կետի, նույն որոշմամբ հաստատված կարգի 10, 11, 13-րդ կետերի պահանջներով և հաշվի առնելով այն, որ Ռուզաննա Ռոբերտի Հյուսյանին սեփականության իրավունքով պատկանող Կոտայքի մարզի Ջրվեժ համայնքի Ջրվեժ գյուղի 6-րդ թաղամասի թիվ 27 հասցեի բնակավայրի բնակելի կառուցապատման հողամասում ինքնակամ կառուցված շինությունների պահպանումը չի խախտում այլ անձանց իրավունքները և օրենքով պահպանվող շահերը, ինքնակամ շինությունները կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի և կանոնների էական խախտումներով և չեն առաջացնում հարկադիր սերվիտուտ պահանջելու իրավունք, որոշում եմ.

1.Ռուզաննա Ռոբերտի Հյուսյանին սեփականության իրավունքով պատկանող Ջրվեժ համայնքի Ջրվեժ գյուղի 6-րդ թաղամասի թիվ 27 հասցեի գույքը վերահասցեավորել՝ համայնք Ջրվեժ, գյուղ Ջրվեժ, 1-ին այգեգործական զանգված, 6-րդ թաղամաս, թիվ 27: 

2.Ռուզաննա Ռոբերտի Հյուսյանին սեփականության իրավունքով պատկանող Ջրվեժ համայնքի Ջրվեժ գյուղի 1-ին այգեգործական զանգվածի 6-րդ թաղամասի թիվ 27 հասցեի բնակավայրի բնակելի կառուցապատման հողամասում 2012 թվականին ինքնակամ կառուցված թիվ 1 բնակելի տունը` ընդհանուր 561,2 քառ.մետր, թիվ 2 ավտոտնակը՝ 75,5 քառ.մետր, թիվ 3 պահակակետը՝ 15,3 քառ.մետր, թիվ 4 օժանդակ շինությունը և լողավազանը՝ ընդհանուր 308,9 քառ.մետր, թիվ 5 ծածկը՝ 20,6 քառ.մետր և թիվ 6 պարիսպը՝ ընդհանուր 13,54 քառ.մետր արտաքին մակերեսներով, համարել օրինական: 

3.Սահմանել, որ հողամասի սեփականատերը.

1)սույն որոշման ընդունման օրվանից 60-օրյա ժամկետում Ջրվեժ համայնքի բյուջեի N 900105228218 հաշվին պետք է վճարի Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաշվարկված 2 238 599 (երկու միլիոն երկու հարյուր երեսունութ հազար հինգ հարյուր իննսունինը) Հայաստանի Հանրապետության դրամ օրինականացման վճարը.

2)իր միջոցների հաշվին պետք է վճարի կառույցի գույքային իրավունքների պետական գրանցման հետ կապված վճարներն ու տուրքերը։

4.Սահմանել, որ սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում նշված ինքնակամ կառույցները ենթակա չեն պետական գրանցման, իսկ սույն որոշումը համարվում է ուժը կորցրած։

5.Որոշման կատարման կազմակերպումն ու պատասխանատվությունը դնել աշխատակազմի առաջատար մասնագետ Տաթևիկ Խաչատրյանի վրա:

6.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Արմինե Պետրոսյանը։

7.Սույն որոշումն ուժի մեջ է մտնում՝ Ռուզաննա Ռոբերտի Հյուսյանին որոշման ընդունման մասին իրազեկելու օրվան հաջորդող օրվանից: