Ջրվեժ խոշորացված համայնքի կողմից Հայաստանի տարածքային զարգացման հիմնադրամին ներկայացված «Կոմունալ ծառայությունների և աղբահանության համակարգի բարելավման ծրագիրը» վերջնական փորձաքննության փուլում ևս ստացել է դրական գնահատական։ Վերջնական փորձաքննության եզրակացության մեջ մասնավորապես նշվում է, որ ենթածրագիրը համապատասխանում է ՀՏԶՀ-ի պահանջներին: Ենթածրագրով նախատեսվում է 3 հատ աղբատար մեքենայի՝ հետևի բարձմամբ /ունիվերսալ/, 146 հատ պլաստմասե 770լ աղբամանների, 66 հատ պլաստմասե 660լ աղբամանների, 58 հատ պլաստմասե 360լ աղբամանների, 1 բազմաֆունկցիոնալ էքսկավատորի՝ հիդրավլիկ մուրճով, քանդող նեղ կովշով և ճանապարհային ֆրեզով ձեռքբերում: Ենթածրագիրը կնպաստի նոր աշխատատեղերի ստեղծմանը, համայնքային բյուջեի եկամուտների ավելացմանը, ինչպես նաև համայնքի սոցիալ-տնտեսական վիճակի բարելավմանը: