Ջրվեժի համայնքապետարան է դիմել Ջրվեժ համայնքի Ձորաղբյուր գյուղի բնակիչ Թամարա Ապավենի Զաքարյանը՝ Ձորաղբյուր գյուղի Անտառային փողոցի թիվ 2/2 հասցեում գտնվող, իր ընտանիքի կողմից փաստացի օգտագործվող համայնքային սեփականություն հանդիսացող 07-042-0369-0028-001-002 կադաստրային համարի բնակարանը (նախկին հանրակացարանի շենք)` 56,04 քառ.մետր մակերեսով (արտաքին մակերեսը՝ 74,03 քառ.մետր) իրեն օտարելու խնդրանքով:

Ղեկավարվելով Քաղաքացիական օրենսգրքի 188-րդ հոդվածով, «Տեղական ինքնակառավարման մասին» օրենքի 18-րդ հոդվածի առաջին մասի 21-րդ կետով, Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի պահանջներով, հիմք ընդունելով Ձորաղբյուր գյուղի վարչական ղեկավարի առաջարկը և հաշվի առնելով Ջրվեժ համայնքի Ձորաղբյուր գյուղի բնակիչ Թամարա Ապավենի Զաքարյանի խնդրանքը, համայնքի ավագանին որոշում է.

1.Թույլատրել համայնքի ղեկավարին` ուղղակի վաճառքի ձևով օտարելու Ջրվեժ համայնքի Ձորաղբյուր գյուղի Անտառային փողոցի թիվ 2/2 հասցեում գտնվող համայնքային սեփականություն հանդիսացող 07-042-0369-0028-001-002 կադաստրային համարի բնակարանը (նախկին հանրակացարանի շենք)` 56,04 քառ.մետր մակերեսով (արտաքին մակերեսը՝ 74,03 քառ.մետր)՝ նախապատվություն տալով Թամարա Ապավենի Զաքարյանին, ընդ որում՝ հաշվի առնելով այն, որ բնակարանը կառուցվել է մինչև 2001 թվականը և 2001 թվականից հետո կառուցապատում չի իրականացվել, այն տրամադրել անհատույց (հիմք՝ անշարժ գույքի նկատմամբ իրավունքների պետական գրանցման N 29122020-07-0151, տրված 2020 թվականի դեկտեմբերի 29-ին, անհատ ձեռնարկատեր Վալերիկ Գալստյանի կողմից 2020 թվականի օգոստոսի 7-ին կազմված և սահմանված կարգով հաստատված հատակագիծը):

2.Սույն որոշումն ուժի մեջ է մտնում ստորագրման պահից: