Ղեկավարվելով «Տեղական ինքնակառավարման մասին» օրենքի 13-րդ հոդվածի 10-րդ մասի, 18-րդ հոդվածի 1-ին մասի 42-րդ կետի պահանջներով, հիմք ընդունելով համայնքի ավագանու 2019 թվականի հունվարի 15-ի թիվ 4-Ն որոշմամբ հաստատված չափորոշիչները (փոփոխված՝ համայնքի ավագանու 2025 թվականի մայիսի 8-ի թիվ 61-Ն որոշմամբ), Ջրվեժ համայնքի սոցիալական խնդիրների ուսումնասիրման հանձնաժողովի դրական եզրակացությունը Ջրվեժ համայնքի Ջրվեժ գյուղի 6-րդ փողոցի թիվ 136/1 տան բնակիչ Վարդան Համբարձումի Պողոսյանի կողմից համայնքապետարանին 2025 թվականի սեպտեմբերի 2-ին հասցեագրված դիմումի առնչությամբ, այն է՝ 2025 թվականի հուլիսի 4-ին Ջրվեժ համայնքի Ջրվեժ գյուղի 6-րդ փողոցի 2-րդ նրբանցքից մինչև փողոցի վերջնամաս ընկած հատվածում ջրի քանակի ավելացման և սելավատարի վարարման հետևանքով վնասվել է Վարդան Համբարձումի Պողոսյանին սեփականության իրավունքով պատկանող Mercedes-Benz մակնիշի 97 WW 097 հաշվառման համարանիշով տրանսպորտային միջոցը, ավագանին որոշում է․

1․Ջրվեժ համայնքի Ջրվեժ գյուղի 6-րդ փողոցի թիվ 136/1 տան բնակիչ Վարդան Համբարձումի Պողոսյանին ցուցաբերել ֆինանսական աջակցություն՝ 100 000 (մեկ հարյուր հազար) Հայաստանի Հանրապետության դրամ գումարի չափով, ծախսերն իրականացնելով համայնքի բյուջեի «Սոցիալական օգնություն ընտանիքներին» ծրագրից։

2․Սույն որոշումն ուժի մեջ է մտնում ստորագրման օրվանից։