Ղեկավարվելով «Տեղական ինքնակառավարման մասին» օրենքի 43-րդ հոդվածի, Հայաստանի Հանրապետության կառավարության 2010 թվականի հոկտեմբերի 10-ի թիվ 1477-Ն որոշման պահանջներով և հաշվի առնելով Ջրվեժ համայնքի Զովք գյուղի 1-ին փողոցի թիվ 3 փակուղու 2–րդ տան բնակիչ Մարատ Դավթի Հովհաննիսյանի խնդրանքը, որոշում եմ.
1.Ջրվեժ համայնքի Զովք գյուղի վարչական սահմաններում գտնվող համայնքային սեփականություն հանդիսացող արոտները՝ 197,25 հեկտար մակերեսով, մեկ տարի ժամկետով վարձակալությամբ տրամադրել Ջրվեժ համայնքի Զովք գյուղի 1-ին փողոցի թիվ 3 փակուղու 2–րդ տան բնակիչ Մարատ Դավթի Հովհաննիսյանին՝ անասնագլխաքանակի արածեցման նպատակով:
2.Վարձակալությամբ տրամադրվող արոտի տարեկան վարձավճարի չափը կազմում է 94 680 (իննսունչորս հազար վեց հարյուր ութսուն) Հայաստանի Հանրապետության դրամ:
3.Որոշման կատարման կազմակերպումն ու պատասխանատվությունը դնել աշխատակազմի առաջատար մասնագետ Հուսիկ Գրիգորյանի վրա:
4.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը։