Հարցի քննարկման համար հիմք է հանդիսացել «Այանիս» սահմանափակ պատասխանատվությամբ ընկերության (ՍՊԸ) տնօրեն Արթուր Բորիսի Ուզունյանի (ծնված՝ 1979 թվականի մարտի 5-ին) դիմումը, որով ցանկություն է հայտնել օրինականացնել «Այանիս» ՍՊԸ-ին սեփականության իրավունքով պատկանող Ջրվեժ համայնքի Ջրվեժ գյուղի 20-րդ փողոցի թիվ 1/2 հասցեի արդյունաբերության, ընդերքօգտագործման և այլ արտադրական նշանակության արդյունաբերական օբյեկտների 2057,4 քառ.մետր մակերեսով հողակտորում ինքնակամ կառուցված շինությունները (հիմք՝ անշարժ գույքի նկատմամբ իրավունքների պետական գրանցման թիվ 14012013-07-1722 վկայական, տրված 2013 թվականի հունվարի 14-ին, անհատ ձեռնարկատեր Արարատ Սողոմոնյանի կողմից 2019 թվականի դեկտեմբերի 27-ին կազմված և սահմանված կարգով հաստատված հատակագիծը և 2020 թվականի հունվարի 15-ին տրված եզրակացությունը):
Համաձայն համայնքի կադաստրային քարտեզի և անհատ ձեռնարկատեր Արարատ Սողոմոնյանի կողմից սահմանված կարգով հաստատված հատակագծի պարզվել է, որ «Այանիս» ՍՊԸ-ին սեփականության իրավունքով պատկանող Ջրվեժ համայնքի Ջրվեժ գյուղի 20-րդ փողոցի թիվ 1/2 հասցեի արդյունաբերության, ընդերքօգտագործման և այլ արտադրական նշանակության արդյունաբերական օբյեկտների հողակտորում 2016 թվականին ինքնակամ կառուցվել է թիվ 1 ինքնակամ շինությունը՝ 383,6 քառ.մետր, թիվ 2 ինքնակամ շինությունը՝ 206,2 քառ.մետր, թիվ 3 ինքնակամ ծածկը՝ 98,4 քառ.մետր և թիվ 4 ինքնակամ պարիսպը՝ 26,3 քառ․մետր արտաքին մակերեսներով:
Ղեկավարվելով Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 10, 11, 13-րդ կետերի պահանջներով և հաշվի առնելով այն, որ որ «Այանիս» ՍՊԸ-ին սեփականության իրավունքով պատկանող Ջրվեժ համայնքի Ջրվեժ գյուղի 20-րդ փողոցի թիվ 1/2 հասցեի արդյունաբերության, ընդերքօգտագործման և այլ արտադրական նշանակության արդյունաբերական օբյեկտների հողակտորում ինքնակամ կառուցված շենք-շինությունների պահպանումը չի խախտում այլ անձանց իրավունքները և օրենքով պահպանվող շահերը, շինությունները կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի և կանոնների էական խախտումներով և չեն առաջացնում հարկադիր սերվիտուտ պահանջելու իրավունք, որոշում եմ.
1.«Այանիս» ՍՊԸ-ին սեփականության իրավունքով պատկանող Ջրվեժ համայնքի Ջրվեժ գյուղի 20-րդ փողոցի թիվ 1/2 հասցեի արդյունաբերության, ընդերքօգտագործման և այլ արտադրական նշանակության արդյունաբերական օբյեկտների հողակտորում ինքնակամ կառուցված թիվ 1 ինքնակամ շինությունը՝ 383,6 քառ.մետր, թիվ 2 ինքնակամ շինությունը՝ 206,2 քառ.մետր, թիվ 3 ինքնակամ ծածկը՝ 98,4 քառ.մետր և թիվ 4 ինքնակամ պարիսպը՝ 26,3 քառ․մետր արտաքին մակերեսներով, համարել օրինական:
2.Սահմանել, որ հողամասի սեփականատերը.
1)սույն որոշման ընդունման օրվանից 60-օրյա ժամկետում Ջրվեժ համայնքի բյուջեի N 900105228218 հաշվին պետք է վճարի Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաշվարկված 2 786 550 (երկու միլիոն յոթ հարյուր ութսունվեց հազար հինգ հարյուր հիսուն) Հայաստանի Հանրապետության դրամ օրինականացման վճարը.
2) իր միջոցների հաշվին պետք է վճարի կառույցի գույքային իրավունքների պետական գրանցման հետ կապված վճարներն ու տուրքերը։
3.Սահմանել, որ սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում նշված ինքնակամ կառույցը ենթակա չէ պետական գրանցման, իսկ սույն որոշումը համարվում է ուժը կորցրած։
4.Որոշման կատարման կազմակերպումն ու պատասխանատվությունը դնել համայնքի ղեկավարի օգնական Գոռ Մելիքյանի վրա:
5.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը։
6.Սույն որոշումն ուժի մեջ է մտնում՝ «Այանիս» ՍՊԸ-ին՝ տնօրեն Արթուր Բորիսի Ուզունյան, որոշման ընդունման մասին իրազեկելու օրվան հաջորդող օրվանից:
7. Սույն որոշումն ուժի մեջ մտնելուց հետո ուժը կորցրած ճանաչել համայնքի ղեկավարի 2019 թվականի նոյեմբերի 22-ի «Ինքնակամ կառուցված շինությունների օրինականացման մասին» թիվ 778-Ա որոշումը: