Հարցի քննարկման համար հիմք է հանդիսացել Ռազմիկ Դիկրանի Բաբայանի (ծնված՝ 1954 թվականի հուլիսի 19-ին) դիմումը, որով ցանկություն է հայտնել օրինականացնել սեփականության իրավունքով իրեն պատկանող Ջրվեժ համայնքի Ջրվեժ գյուղի Այգեգործական 3-րդ թաղամասի թիվ 1, 5 հասցեի այգեգործական հողակտորում ինքնակամ կառուցված շինությունը (հիմք՝ անշարժ գույքի սեփականության (օգտագործման) իրավունքի գրանցման N 2810369, N 2819453, N 1538446 և N 1538435 վկայականները, անհատ ձեռնարկատեր Արմեն Գրիգորյանի կողմից 2019 թվականի մարտի 4-ին կազմված և սահմանված կարգով հաստատված հատակագիծը):
Համաձայն համայնքի կադաստրային քարտեզի և անհատ ձեռնարկատեր Արմեն Գրիգորյանի կողմից սահմանված կարգով հաստատված հատակագծի պարզվել է, որ Ռազմիկ Դիկրանի Բաբայանը սեփականության իրավունքով իրեն պատկանող Ջրվեժ համայնքի Ջրվեժ գյուղի Այգեգործական 3-րդ թաղամասի թիվ 1, 5 հասցեի այգեգործական հողակտորում 2008 թվականին ինքնակամ կառուցել է մառան՝ 29,5 քառ.մետր արտաքին մակերեսով:
Ղեկավարվելով Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 10, 11, 13-րդ կետերի պահանջներով և հաշվի առնելով այն, որ Ռազմիկ Դիկրանի Բաբայանին սեփականության իրավունքով պատկանող Ջրվեժ համայնքի Ջրվեժ գյուղի Այգեգործական 3-րդ թաղամասի թիվ 1, 5 հասցեի այգեգործական հողակտորում ինքնակամ կառուցված շենք-շինության պահպանումը չի խախտում այլ անձանց իրավունքները և օրենքով պահպանվող շահերը, շինությունը կառուցված չէ ինժեներատրանսպորտային օբյեկտների օտարման կամ անվտանգության գոտիներում, կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք, որոշում եմ.
1.Ռազմիկ Դիկրանի Բաբայանին սեփականության իրավունքով պատկանող Ջրվեժ համայնքի Ջրվեժ գյուղի Այգեգործական 3-րդ թաղամասի թիվ 1, 5 հասցեի այգեգործական հողակտորում ինքնակամ կառուցված մառանը՝ 29,5 քառ.մետր արտաքին մակերեսով, համարել օրինական:
2.Սահմանել, որ հողամասի սեփականատերը.
1)սույն որոշման ընդունման օրվանից 60-օրյա ժամկետում Ջրվեժ համայնքի բյուջեի N 900105228218 հաշվին պետք է վճարի Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաշվարկված 46 020 (քառասունվեց հազար քսան) Հայաստանի Հանրապետության դրամ օրինականացման վճարը.
2)իր միջոցների հաշվին պետք է վճարի կառույցի գույքային իրավունքների պետական գրանցման հետ կապված վճարներն ու տուրքերը։
3.Սահմանել, որ սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում, նշված ինքնակամ կառույցը ենթակա չէ պետական գրանցման, իսկ սույն որոշումը համարվում է ուժը կորցրած։
4.Որոշման կատարման կազմակերպումն ու պատասխանատվությունը դնել աշխատակազմի գլխավոր մասնագետ Վահե Սիրականյանի վրա:
5.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը։