ՆԱԽԱԳԻԾ

Հարցի քննարկման համար հիմք է հանդիսացել քաղաքացի Հովհաննես Արտավազդի Դարբինյանի դիմումը՝ Ջրվեժ համայնքի 1-ին փողոցի թիվ 1/31 հասցեում գտնվող համայնքային սեփականություն հանդիսացող բնակավայրի բնակելի կառուցապատման 37,0 քառ.մետր մակերեսով հողակտորը և հողակտորում իր կողմից ինքնակամ կառուցված և համայնքային սեփականության իրավունքը ճանաչված 32,2 քառ.մետր մակերեսով, արտաքին մակերեսըՙ 37,0 քառ.մետր, ավտոտնակն իրեն օտարելու մասին (հիմքՙ անշարժ գույքի նկատմամբ իրավունքների պետական գրանցման վկայական N 14052013-07-0004, տրված 2013 թվականի մայիսի 14-ին և անհատ ձեռնարկատեր Վալերի Գալստյանի կողմից 2013 թվականի մայիսի 5-ին կազմված և սահմանված կարգով հաստատված հատակագիծը):

Ղեկավարվելով Հայաստանի Հանրապետության Կառավարության 2006 թվականի մայիսի 18-ի         N 912-Ն որոշմամբ հաստատված կարգի 34.2 և 35-րդ կետերով, որոշում եմ.

1. Համայնքային սեփականություն հանդիսացող Ջրվեժի 1-ին փողոցի թիվ 1/31 հասցեում գտնվող բնակավայրի բնակելի կառուցապատման 37,0 քառ.մետր մակերեսով հողակտորը և հողակտորում ինքնակամ կառուցված և համայնքային սեփականության իրավունքը ճանաչված 37,0 քառ.մետր արտաքին մակերեսով ավտոտնակն օտարել կառույցն իրականացրած Հովհաննես Արտավազդի Դարբինյանին:

2.Պարտավորեցնել Հովհաննես Արտավազդի Դարբինյանի՝ մուծելու հողամասի կադաստրային արժեքը, որը կազմում է 167 388 (մեկ հարյուր վաթսունյոթ հազար երեք հարյուր ութսունութ), ավտոտնակի վաճառքի արժեքը՝ 96 200 (իննսունվեց հազար երկու հարյուր) Հայաստանի Հանրապետության դրամ:

3.Լիազորել աշխատակազմի գլխավոր մասնագետ Արամազդ Մարգարյանին՝ ինքնակամ կառույցն իրականացրած անձի կողմից սույն որոշման 2-րդ կետում նշված գումարների վճարումից հետո 10-օրյա ժամկետում գնորդի հետ կնքելու անշարժ գույքի առուվաճառքի պայմանագիր:

4.Ընդունել ի գիտություն, որ գույքի օտարման պայմանագիրը ենթակա է նոտարական վավերացման, իսկ դրանից ծագող իրավունքները պետական գրանցման` անշարժ գույքի պետական ռեգիստրի համապատասխան ստորաբաժանումում:

5.Որոշման կատարման կազմակերպումն ու պատասխանատվությունը դնել աշխատակազմի գլխավոր մասնագետ Արամազդ Մարգարյանի վրա:

6.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը: