Հարցի քննարկման համար հիմք է հանդիսացել քաղաքացի Արամ Զարեյի Զարեյանի (ծնված՝ 1955 թվականի հուլիսի 6-ին) դիմումը, որով ցանկություն է հայտնել օրինականացնել սեփականության իրավունքով իրեն պատկանող Ջրվեժ համայնքի Ձորաղբյուր-3 այգետարածքի 23-րդ տեղամասի թիվ 8 հասցեի այգեգործական հողամասում ինքնակամ կառուցված շինությունները (հիմք՝ «Հայաստանի Ազգային Արխիվ» ՊՈԱԿ-ի կողմից 2021 թվականի մարտի 17-ին տրված թիվ Հ-2631 արխիվային տեղեկանքը, ըստ օրենքի ժառանգության իրավունքի վկայագիր, վավերացված 2021 թվականի ապրիլի 5-ին, անհատ ձեռնարկատեր Էդվարդ Միլիտոսյանի կողմից 2021 թվականի փետրվարի 15-ին կազմված և սահմանված կարգով հաստատված հատակագիծը):
Համաձայն համայնքի կադաստրային քարտեզի և անհատ ձեռնարկատեր Էդվարդ Միլիտոսյանի կողմից կազմված և սահմանված կարգով հաստատված հատակագծի պարզվել է, որ Արամ Զարեյի Զարեյանին սեփականության իրավունքով պատկանող Ջրվեժ համայնքի Ձորաղբյուր-3 այգետարածքի 23-րդ տեղամասի թիվ 8 հասցեի այգեգործական հողամասում 1985 թվականին ինքնակամ կառուցվել է կիսանկուղ՝ 41,2 քառ․մետր արտաքին մակերեսով (կառուցման տարեթվի վերաբերյալ համայնքապետարանում տվյալները բացակայում են, որի համար հիմք են հանդիսացել քաղաքացի Արամ Զարեյի Զարեյանի դիմումում նշված և անհատ ձեռնարկատեր Էդվարդ Միլիտոսյան կողմից չափագրված և հաստատված հողամասի հատակագծում նշված տարեթիվը):
Ղեկավարվելով Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 10, 11, 22.1-րդ կետերի պահանջներով և հաշվի առնելով այն, որ Արամ Զարեյի Զարեյանին սեփականության իրավունքով պատկանող Ջրվեժ համայնքի Ձորաղբյուր-3 այգետարածքի 23-րդ տեղամասի թիվ 8 հասցեի այգեգործական հողամասում ինքնակամ կառուցված կիսանկուղի պահպանումը չի խախտում այլ անձանց իրավունքները և օրենքով պահպանվող շահերը, կիսանկուղը կառուցված չէ ինժեներատրանսպորտային օբյեկտների օտարման կամ անվտանգության գոտիներում, կառուցված չէ քաղաքաշինական նորմերի և կանոնների էական խախտումներով և չի առաջացնում հարկադիր սերվիտուտ պահանջելու իրավունք, որոշում եմ.
1.Արամ Զարեյի Զարեյանին սեփականության իրավունքով պատկանող Ջրվեժ համայնքի Ձորաղբյուր-3 այգետարածքի 23-րդ տեղամասի թիվ 8 հասցեի հողամասում ինքնակամ կառուցված կիսանկուղը՝ 41,2 քառ․մետր արտաքին մակերեսով, համարել օրինական:
2.Որոշման կատարման կազմակերպումն ու պատասխանատվությունը դնել աշխատակազմի գլխավոր մասնագետ Վահե Սիրականյանի վրա:
3.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը։
4.Սույն որոշումն ուժի մեջ է մտնում՝ Արամ Զարեյի Զարեյանին որոշման ընդունման մասին իրազեկելու օրվան հաջորդող օրվանից: