Հարցի քննարկման համար հիմք է հանդիսացել քաղաքացի Գևորգ Մուրադի Եղիազարյանի (ծնված 1973 թվականի մարտի 16-ին) դիմումը՝ Ջրվեժ համայնքի Ջրվեժ գյուղի 12-րդ փողոցի թիվ 28/1 հասցեում գտնվող համայնքային սեփականություն հանդիսացող բնակավայրի բնակելի կառուցապատման 149,4 քառ.մետր մակերեսով հողակտորը և հողակտորում իր կողմից ինքնակամ կառուցված և համայնքային սեփականության իրավունքը ճանաչված թիվ 1 բնակելի տունը՝ 36,27 քառ.մետր, թիվ 2 ավտոտնակը՝ 20,23 քառ.մետր, թիվ 3 աստիճանը՝ 6,76 քառ.մետր, թիվ 4 և թիվ 5 պարիսպները՝ ընդհանուր 4,0 քառ.մետր, արտաքին մակերեսներով իրեն օտարելու մասին (հիմք՝ անշարժ գույքի նկատմամբ իրավունքների պետական գրանցման վկայական N 05102020-07-0126, տրված 2020 թվականի հոկտեմբերի 5-ին, անհատ ձեռնարկատեր Վալերիկ Գալստյանի կողմից 2020 թվականի հունիսի 6-ին տրված հողամասի հատակագիծ):
Ղեկավարվելով Հայաստանի Հանրապետության Կառավարության 2006 թվականի մայիսի 18-ի N 912-Ն որոշմամբ հաստատված կարգի 35 և 35.1-րդ կետերով, որոշում եմ.
1
1.Համայնքային սեփականություն հանդիսացող Ջրվեժ համայնքի Ջրվեժ գյուղի 12-րդ փողոցի թիվ 28/1 հասցեում գտնվող բնակավայրի բնակելի կառուցապատման 149,4 քառ.մետր մակերեսով հողակտորը և հողակտորում ինքնակամ կառուցված և համայնքային սեփականության իրավունքը ճանաչված թիվ 1 բնակելի տունը՝ 36,27 քառ.մետր, թիվ 2 ավտոտնակը՝ 20,23 քառ.մետր, թիվ 3 աստիճանը՝ 6,76 քառ.մետր, թիվ 4 և թիվ 5 պարիսպները՝ ընդհանուր 4,0 քառ.մետր, արտաքին մակերեսներով, օտարել կառույցն իրականացրած Գևորգ Մուրադի Եղիազարյանին:
2.Պարտավորեցնել Գևորգ Մուրադի Եղիազարյանին՝ մուծելու հողամասի կադաստրային արժեքը, որը կազմում է 675 886 (վեց հարյուր յոթանասունհինգ հազար ութ հարյուր ութսունվեց), շինությունների վաճառքի արժեքը՝ 409 032 (չորս հարյուր ինը հազար երեսուներկու) Հայաստանի Հանրապետության դրամ:
3.Հանձնարարել համայնքի ղեկավարի տեղակալ Նորայր Սանթրոսյանին՝ ինքնակամ կառույցն իրականացրած անձի կողմից սույն որոշման 2-րդ կետում նշված գումարների վճարումից հետո 10-օրյա ժամկետում գնորդի հետ կնքելու անշարժ գույքի օտարման պայմանագիր:
4.Ընդունել ի գիտություն, որ գույքի օտարման պայմանագիրը ենթակա է նոտարական վավերացման, իսկ դրանից ծագող իրավունքները պետական գրանցման` անշարժ գույքի գրանցման միասնական ստորաբաժանումում:
5.Որոշման կատարման կազմակերպումն ու պատասխանատվությունը դնել աշխատակազմի գլխավոր մասնագետ Վահե Սիրականյանի վրա:
6.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը։
7.Սույն որոշումն ուժի մեջ է մտնում՝ Գևորգ Մուրադի Եղիազարյանին որոշման ընդունման մասին իրազեկելու օրվան հաջորդող օրվանից: