Ղեկավարվելով Հողային օրենսգրքի 3-րդ հոդվածի առաջին մասի 1-ին կետի, «Քաղաքաշինության մասին» օրենքի 143-րդ հոդվածի 12-րդ մասի, Հայաստանի Հանրապետության կառավարության 2011 թվականի դեկտեմբերի 29-ի թիվ 1920-Ն որոշմամբ հաստատված կարգի 25-րդ կետի, 2005 թվականի դեկտեմբերի 29-ի N 2387-Ն որոշմամբ հաստատված կարգի 48 և 51-րդ կետերի պահանջներով և հիմք ընդունելով համայնքի ավագանու 2014 թվականի ապրիլի 11-ի թիվ 14-Ն որոշումը և Հայաստանի Հանրապետության քաղաքաշինության կոմիտեի 2019 թվականի հոկտեմբերի 15-ի թիվ 06/11.2/5939-2019 գրությամբ տրված համաձայնությունը քաղաքացի Հովհաննես Թելմանի Զոհրաբյանին և Նունե Ռուբիկի Ղևոնդյանին ընդհանուր համատեղ սեփականության իրավունքով պատկանող 288,0 քառ.մետր մակերեսով գյուղատնտեսական նշանակության հողամասի նպատակային նշանակության փոփոխման վերաբերյալ՝ ելնելով նրանց ընտանեկան վիճակից, որոշում եմ.

1.Հովհաննես Թելմանի Զոհրաբյանին և Նունե Ռուբիկի Ղևոնդյանին ընդհանուր համատեղ սեփականության իրավունքով պատկանող Ջրվեժ համայնքի Ջրվեժ գյուղի 07-057-0339-0110 կադաստրային համարի գյուղատնտեսական նշանակության վարելահողը` 288,0 քառ.մ մակերեսով, փոխադրել բնակավայրի բնակելի կառուցապատման հողերի կատեգորիա` օրենսդրությամբ սահմանված կարգով բնակելի կառուցապատման համար (հիմք՝ անշարժ գույքի նկատմամբ իրավունքների պետական գրանցման վկայական N 24102019-07-0104, տրված 2019 թվականի հոկտեմբերի 24-ին):

2.Հովհաննես Թելմանի Զոհրաբյանին և Նունե Ռուբիկի Ղևոնդյանին ընդհանուր համատեղ սեփականության իրավունքով պատկանող Ջրվեժ համայնքի Ջրվեժ գյուղի 07-057-0339-0110 կադաստրային համարի 288,0 քառ.մ մակերեսով տնամերձ հողամասին տրամադրել հասցե` համայնք Ջրվեժ, գյուղ Ջրվեժ, 2-րդ թաղամաս, թիվ 5/14:

3.Առաջարկել Հովհաննես Թելմանի Զոհրաբյանին, Նունե Ռուբիկի Ղևոնդյանին, եռամսյա ժամկետում Ջրվեժ համայնքի բյուջեի 900105228176 հաշվին վճարելու հողամասի նպատակային նշանակության փոփոխման պահին առկա կադաստրային արժեքների տարբերությունը` 1 286 928 (մեկ միլիոն երկու հարյուր ութսունվեց հազար ինը հարյուր քսանութ) Հայաստանի Հանրապետության դրամ:

4.Աշխատակազմի գլխավոր մասնագետ Լևոն Մխիթարյանին`

1)իրականացնել հսկողություն սույն որոշման երրորդ կետի նկատմամբ,

2)սույն որոշման առաջին կետում նշված հողի նպատակային նշանակության փոփոխությունը պետական գրանցում ստանալուց հետո ընդգրկել համայնքի տարեկան, ընթացիկ հաշվառման և համայնքի հողային հաշվեկշռում:

5.Աշխատակազմի քարտուղարին` հողամասի նպատակային նշանակության կատարված փոփոխության մասին 10-օրյա ժամկետում տեղեկացնել քաղաքաշինության պետական կոմիտե և անշարժ գույքի նկատմամբ իրավունքները գրանցող պետական մարմին:

6.Սույն որոշումն ուժի մեջ է մտնում՝ Հովհաննես Թելմանի Զոհրաբյանին, Նունե Ռուբիկի Ղևոնդյանին որոշման ընդունման մասին իրազեկելու օրվան հաջորդող օրվանից: