Հարցի քննարկման համար հիմք է հանդիսացել քաղաքացիներ Սահակ Սուրենի Սարգսյանի (ծնված՝ 1965 թվականի մարտի 31-ին), Արթուր Ազատի Սարգսյանի (ծնված՝ 1994 թվականի փետրվարի 20-ին) և Սուրեն Սպարտակի Սարգսյանի (ծնված՝ 1984 թվականի հոկտեմբերի 2-ին) կողմից Ջրվեժի համայնքապետարանին հասցեագրված դիմումը, որով ցանկություն են հայտնել օրինականացնել ընդհանուր բաժնային սեփականության իրավունքով իրենց պատկանող Կոտայքի մարզի Ջրվեժ համայնքի Ջրվեժ գյուղի 2-րդ փողոցի  թիվ 62 հասցեի տնամերձ հողամասում ինքնակամ կառուցված շինությունները (հիմք՝ անշարժ գույքի նկատմամբ իրավունքների պետական գրանցման թիվ 14122022-07-0175 վկայական, տրված 2022 թվականի դեկտեմբերի 14-ին, անհատ ձեռնարակատեր Արփինե Սուքիասյանի կողմից 2024 թվականի հոկտեմբերի 16-ին կազմված և սահմանված կարգով հաստատված հատակագիծը, ինքնակամ կառույցը Կադաստրի կոմիտեում հաշվառված լինելու փաստը հավաստող ծածկագիր՝ 2024TYFU6G, մուտքագրված 2024 թվականի հոկտեմբերի 21-ին)։

Համաձայն համայնքի կադաստրային քարտեզի և անհատ ձեռնարակատեր Արփինե  Սուքիասյանի կողմից կազմված և սահմանված կարգով հաստատված հատակագծի պարզվել է, որ Սահակ, Արթուր  և Սուրեն  Սարգսյաններին ընդհանուր բաժնային սեփականության իրավունքով պատկանող Կոտայքի մարզի Ջրվեժ համայնքի Ջրվեժ գյուղի 2-րդ փողոցի  թիվ 62 հասցեի հողամասում 2017 թվականին ինքնակամ կառուցվել է թիվ 1 բնակելի տունը՝ ընդհանուր 100.4 քառ․մետր, թիվ 3 օժանդակ շինությունը՝ 9,2 քառ.մետր, թիվ  4 պարիսպը՝  0,5 քառ.մետր արտաքին մակերեսով, ինչպես նաև բնակելի տան 1-ին հարկում առկա են ինքնակամ բացված թվով երկու դուռ և հինգ պատուհան։

Ղեկավարվելով Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 8.1, 10, 11, 13 և 18-րդ կետերի պահանջներով և հաշվի առնելով այն, որ Սահակ, Արթուր և Սուրեն  Սարգսյաններին ընդհանուր բաժնային սեփականության իրավունքով պատկանող Կոտայքի մարզի Ջրվեժ համայնքի Ջրվեժ գյուղի 2-րդ փողոցի  թիվ 62  հասցեի տնամերձ հողամասում ինքնակամ կառուցված շինությունների, ինքնակամ բացված երկու դռների և հինգ պատուհանների պահպանումը չի խախտում այլ անձանց իրավունքները և օրենքով պահպանվող շահերը, շինությունները կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի և կանոնների էական խախտումներով և չեն առաջացնում հարկադիր սերվիտուտ պահանջելու իրավունք, որոշում եմ.

1.Սահակ, Արթուր և Սուրեն  Սարգսյաններին ընդհանուր բաժնային սեփականության իրավունքով պատկանող Կոտայքի մարզի Ջրվեժ համայնքի Ջրվեժ գյուղի 2-րդ փողոցի  թիվ 62  հասցեի տնամերձ հողամասում 2017 թվականին ինքնակամ կառուցված թիվ 1 բնակելի տունը՝ ընդհանուր 100.4 քառ․մետր, թիվ 3 օժանդակ շինությունը՝ 9,2 քառ.մետր, թիվ 4 պարիսպը՝ 0,5 քառ.մետր արտաքին մակերեսներով, ինչպես նաև բնակելի տան 1-ին հարկում ինքնակամ բացված թվով երկու դռները և հինգ պատուհանները, համարել օրինական:

2.Սահմանել, որ հողամասի սեփականատերերը.

1)սույն որոշման ընդունման օրվանից 60-օրյա ժամկետում Ջրվեժ համայնքի բյուջեի N 900105228218 հաշվին պետք է վճարեն Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաշվարկված 362 984 (երեք հարյուր վաթսուներկու հազար ինը հարյուր ութսունչորս) Հայաստանի Հանրապետության դրամ օրինականացման վճարը.

2)իրենց միջոցների հաշվին պետք է վճարեն կառույցի գույքային իրավունքների պետական գրանցման հետ կապված վճարներն ու տուրքերը։

3.Սահմանել, որ սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում նշված ինքնակամ կառույցները ենթակա չէ պետական գրանցման, իսկ սույն որոշումը համարվում է ուժը կորցրած։

4.Որոշման կատարման կազմակերպումն ու պատասխանատվությունը դնել համայնքի ղեկավարի առաջին տեղակալ Հայկ Վարդանյանի վրա:

5.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Արմինե Պետրոսյանը:

6.Սույն որոշումն ուժի մեջ է մտնում՝ Սահակ, Արթուր և Սուրեն  Սարգսյաններին որոշման ընդունման մասին իրազեկելու օրվան հաջորդող օրվանից: