Ղեկավարվելով «Տեղական ինքնակառավարման մասին» օրենքի 48-րդ հոդվածի պահանջներով, հիմք ընդունելով համայնքի ավագանու 2019 թվականի հունվարի 15-ի թիվ 4-Ն որոշմամբ հաստատված չափորոշիչները, Ջրվեժ համայնքի սոցիալական խնդիրների ուսումնասիրման հանձնաժողովի եզրակացությունը Ջրվեժ համայնքի Ձորաղբյուր գյուղի Ազատության փողոցի 2-րդ փակուղու թիվ 6 տան բնակիչ Վարոս Սենիկի Նահապետյանի ընտանիքի վերաբերյալ, այն է՝ Վարոս Սենիկի Նահապետյանի ընտանիքը 5 անձ Է, ինքը տան միակ աշխատողն է, կինը՝ Սաթիկ Լավրենտի Հարությունյանը, ծնված՝ 1978 թվականին, չի աշխատում, նրանց խնամքի տակ են երկու անչափահաս երեխաները՝ Մհեր և Դավիթ Վարոսի Նահապետյանները, ծնված՝ 2012 և 2007 թվականներին, ընդ որում Դավիթ Նահապետյանը հաճախում է շախմատի դպրոց, ունի մեծ հաջողություններ, պարբերաբար մասնակցում է տարբեր մրցաշարերի, այս տարի սեպտեմբերի 30-ից հոկտեմբերի 6-ը պետք է մասնակցի Ծաղկաձորում կայանալիք մրցաշարին, որին մասնակցելու համար ընտանիքի եկամուտը չի բավականացնում: Նրանց հետ նույն հարկի տակ բնակվում է հայրը՝ Սենիկ Արիստակեսի Նահապետյանը, ով կենսաթոշակառու է և նույնպես չի աշխատում, ընտանիքի ֆինանսական ու սոցիալական վիճակից ելնելով Վարոս Սենիկի Նահապետյանը դիմել է համայնքապետարան՝ դրամական օգնություն ստանալու խնդրանքով, որոշում եմ.
1.Հանձնարարել ֆինանսատնտեսագիտական, եկամուտների հաշվառման և հավաքագրման, ծրագրերի կազմման և համակարգման բաժնի պետ Սոնա Հովհաննիսյանին՝ բյուջեի համապատասխան հոդվածից Վարոս Սենիկի Նահապետյանի ընտանիքին ցույց տալ դրամական օգնություն՝ 30 000 (երեսուն հազար) դրամ գումարի չափով:
2.Սույն որոշումն ուժի մեջ է մտնում՝ Վարոս Սենիկի Նահապետյանին որոշման ընդունման մասին իրազեկելու օրվան հաջորդող օրվանից: