ՆԱԽԱԳԻԾ

Հարցի քննարկման համար հիմք է հանդիսացել քաղաքացի Էլիչկա Գարեգինի Առաքելյանի (ծնված՝ 1949 թվականի հունիսի 25-ին) Ջրվեժի համայնքապետարանին հասցեագրված դիմումը, որով ցանկություն է հայտնել օրինականացնել սեփականության իրավունքով իրեն պատկանող Ջրվեժ համայնքի Ջրվեժ գյուղի Մելքոնյան փողոցի 1-ին փակուղու թիվ 7 հասցեի բնակավայրերի բնակելի կառուցապատման  հողամասում ինքնակամ կառուցված շինությունները (հիմք՝ անշարժ գույքի սեփականության (օգտագործման) իրավունքի գրանցման թիվ 2503817 վկայական, տրված 2008 թվականի մայիսի 05-ին, «ԳԵՈԿԱԴ 55» սահմանափակ պատասխանատվությամբ ընկեորության կողմից 2024 թվականի հոկտեմբերի 31-ին կազմված և սահմանված կարգով հաստատված հատակագիծը, ինքնակամ կառույցը Կադաստրի կոմիտեում հաշվառված լինելու փաստը հավաստող ծածկագիր՝ 2024QQDSTG, մուտքագրված 2024 թվականի հոկտեմբերի 31-ին):

Համաձայն համայնքի կադաստրային քարտեզի և անհատ ձեռնարկատեր «ԳԵՈԿԱԴ 55» սահմանափակ պատասխանատվությամբ ընկեորության կողմից կազմված և սահմանված կարգով հաստատված հատակագծի պարզվել է, որ Էլիչկա Գարեգինի Առաքելյանին սեփականության իրավունքով պատկանող Ջրվեժ համայնքի Ջրվեժ գյուղի Մելքոնյան փողոցի 1-ին փակուղու թիվ 7 հասցեի բնակավայրի բնակելի կառուցապատման հողամասում 2010 թվականին ինքնակամ կառուցվել է թիվ 1 բնակելի տունը՝ ընդհանուր 59,78  քառ․մետր և թիվ 2 հավանոցը՝ 13,71 քառ․մետր արտաքին մակերեսներով, ինչպես նաև առաջին հարկում առկա է ինքնակամ բացված մեկ դուռ, երկու պատուհան, ինքնակամ բացված մեկ բացվածք, երկրորդ հարկում առկա է ինքնակամ բացված երեք պատուհան և ինքնակամ բացված մեկ բացվածք։ 

Ղեկավարվելով Հայաստանի Հանրապետության կառավարության 2006 թվականի մայիսի 18-ի N 912-Ն որոշման 4-րդ կետի, նույն որոշմամբ հաստատված կարգի 8.1, 10, 11, 13 և 18-րդ կետերի պահանջներով և հաշվի առնելով այն, որ Էլիչկա Գարեգինի Առաքելյանին սեփականության իրավունքով պատկանող Ջրվեժ համայնքի Ջրվեժ գյուղի Մելքոնյան փողոցի 1-ին փակուղու թիվ 7 հասցեի տնամերձ հողամասում ինքնակամ կառուցված շինությունների, ինքնակամ բացված դռների, պատուհանների և բացվածքների պահպանումը չի խախտում այլ անձանց իրավունքները և օրենքով պահպանվող շահերը, ինքնակամ շինությունները կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի և կանոնների էական խախտումներով և չեն առաջացնում հարկադիր սերվիտուտ պահանջելու իրավունք, որոշում եմ.

1.Էլիչկա Գարեգինի Առաքելյանին սեփականության իրավունքով պատկանող Ջրվեժ համայնքի Ջրվեժ գյուղի Մելքոնյան փողոցի 1-ին փակուղու թիվ 7 հասցեի  բնակավայրերի բնակելի կառուցապատման հողամասում ինքնակամ կառուցված թիվ 1 բնակելի տունը՝ ընդհանուր 59,78  քառ․մետր և թիվ 2 հավանոցը՝ 13,71 քառ․մետր արտաքին մակերեսներով, ինչպես նաև առաջին հարկում ինքնակամ բացված մեկ դուռը, երկու պատուհանները, ինքնակամ բացված մեկ բացվածքը, երկրորդ հարկում ինքնակամ բացված երեք պատուհանները և ինքնակամ բացված մեկ բացվածքը, համարել օրինական: 

2.Սահմանել, որ հողամասի սեփականատերը.

1)սույն որոշման ընդունման օրվանից 60-օրյա ժամկետում Ջրվեժ համայնքի բյուջեի N 900105228218 հաշվին պետք է վճարի Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաշվարկված 243 676 (երկու հարյուր քառասուներեք հազար վեց հարյուր յոթանասունվեց) Հայաստանի Հանրապետության դրամ օրինականացման վճարը.

2)իր միջոցների հաշվին պետք է վճարի կառույցի գույքային իրավունքների պետական գրանցման հետ կապված վճարներն ու տուրքերը։

3.Սահմանել, որ սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում նշված ինքնակամ կառույցը ենթակա չէ պետական գրանցման, իսկ սույն որոշումը համարվում է ուժը կորցրած։

4.Որոշման կատարման կազմակերպումն ու պատասխանատվությունը դնել աշխատակազմի գլխավոր մասնագետ Վահե Սիրականյանի վրա:

5.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Արմինե Պետրոսյանը։

6.Սույն որոշումն ուժի մեջ է մտնում՝ Էլիչկա Գարեգինի Առաքելյանին որոշման ընդունման մասին իրազեկելու օրվան հաջորդող օրվանից: