Նորություններ

ՋՐՎԵԺԻ ՄԻՋՆԱԿԱՐԳ ԴՊՐՈՑԻ ՆԱԽԱԿՐԹԱՐԱՆԻ ԵՎ ՏԱՐՐԱԿԱՆ ԴԱՍԱՐԱՆՆԵՐԻ ԱՇԱԿԵՐՏՆԵՐԸ ՍՏԱՑԱՆ ՁՄԵՌ ՊԱՊԻԿԻՑ ՆՎԵՐՆԵՐ 20/12/2016

  Ամանորի և Սուրբ ծննդյան տոների կապակցությամբ Ջրվեժի միջնակարգ դպրոցի նախակրթարանի և տարրական դասարանների աշակերտները ստացան Ձմեռ պապիկի ուղարկած նվերները: 
  Սույն թվականի դեկտեմբերի 19-20-ին Ջրվեժի միջնակարգ դպրոց այցելեց համայնքի ղեկավարը: Նա Ամանորի և Սուրբ ծննդյան տոների կապակցությամբ շնորհավորեց դպրոցի ուսուցչական կոլեկտիվին, սաներին, իսկ նախակրթարանի և առաջինից-չորրորդ դասարանների աշակերտներին հանձնվեցին Ձմեռ պապիկի կողմից փաթեթներ՝ քաղցրավենիք, խաղալիք:
 
 

ՏԻՄ 20-ԱՄՅԱԿ 10/11/2016

Շնորհավորական ուղերձ Տեղական ինքնակառավարման օրվա առթիվ:
Տեղական ինքնակառավարման մարմինների հարգելի ներկայացուցիչներ.
Շնորհավորում եմ բոլորիդ Տեղական ինքնակառավարման 20 ամյակի  առթիվ:

Վստահ եմ, որ տեղական ինքնակառավարման արդյունավետության բարձրացմանն ուղղված  համատեղ ջանքերը հնարավորություն կտան հաջողությամբ հաղթահարել դժվարությունները, ունենալ ավելի հարմարավետ ու բարգավաճ համայնքներ և ավելի զարգացած ու ավելի բարեկեցիկ երկիր: Եվս մեկ անգամ շնորհավորում եմ բոլորիս Տեղական ինքնակառավարման օրվա կապակցությամբ...

ՇՆՈՐՀԱՎՈՐ ՏՈՆԴ,ՈՒՍՈՒՑԻՉ. 05/10/2016

   Սիրելի  Ուսուցիչներ, շնորհավորում եմ Ձեզ մասնագիտական տոնի առիթով, ցանկանում երկար տարիների բեղմնավոր աշխատանք, և թող Ձեր ազգանվեր գործունեության, Ձեր առաքելության արգասիքը հպարտության զգացումով ողողի Ձեր էությունը:
   Դուք Ձեր երկրի մշակույթն եք, լեզուն ու սովորույթները: Ձեր աշխատանքից է կախված մեր վաղվա օրը, հույսի ու երազի չափը:
    Ուսուցիչ. բառ, որը մեզ տանում է դեպի կրթություն ու գիտություն: Այն հոգատարություն, քնքշանք ու սեր է նշանակում մեզ՝ աշակերտներիս համար: Բառ, որի շնորհիվ մենք դառնում ենք հասարակությանը պիտանի մարդ:

ԱՆԿԱԽՈՒԹՅԱՆ 25 ԱՄՅԱԿ 21/09/2016

   Շնորհավոր քառորդ դարյա անկախութունդ իմ հա՛յ ժողովուրդ, իմ մա՛յր Հայաստան...
   Ցանկանում եմ քեզ, իմ երկիր, անառիկ սահմաններ,հարատև խաղաղություն: Թող բակերում թնդան մանուկների ծիծաղը, դաշտերում՝ աշխատավորների երգը, գործարաններում ՝ հաստոցների միալար հևքը: Այսուհետ լուսաբացներդ  բացվեն առավոտ լուսո, արեգակն արդարով միայն:
    Հավերժ փառք քո որդոց, որոնք անմահ հոգիները դեռ հարյուրամյակներ ու հազարամյակներ, հավերժ, պիտի թևածեն քո խաղաղ երկնքի կապույտ անհունում: Այլևս անդառնալի է քո ուղին, իմ հավերժի ճամփորդ: Շնորհավոր անկախությունդ, իմ եռագույն հպարտություն...

ՍԵՊՏԵՄԲԵՐԻ 1 ԳԻՏԵԼԻՔԻ ՕՐՎԱ և ՆՈՐ ՈՒՍՈՒՄՆԱԿԱՆ ՏԱՐՎԱ ՄԵԿՆԱՐԿ 01/09/2016

    Համայնքի ղեկավարի շնորհավորական ուղերձը գիտելիքի օրվա և 2016-2017թթ. ուսումնական տարվա մեկնարկի՝ սեպտեմբերի 1-ի կապակցությամբ:
   Սիրով շնորհավորում եմ Ջրվեժի միջնակարգ դպրոցի  ուսուցչական կոլեկտիվին, դպրոցի սաներին, հատկապես առաջին դասարանցիներին գիտելիքի օրվա և նոր ուսումնական տարվա մեկնարկի կապակցությամբ:
   Վստահ եմ, որ մեր դպրոցի բազմավաստակ ուսուցչական կոլեկտիվը այսուհետ ևս կշարունակի հայ երեխաներին կրթելու և դաստիարակելու իր ազգանվեր գործը:

ԲԱԿԱՅԻՆ ՃԱՄԲԱՐԻ ՓԱԿՈՒՄԸ 20/09/2016

  Ճամբարի ընթացքում ստացված գիտելիքների, հմտությանների հանրագումարը եղավ փակման հանդիսավոր միջոցառումը, որն անցավ մեծ ոգևորությամբ: Ցուցադրվեց երեխաների և նրանց ուսուցիչների կողմից ջանասիրաբար պատրաստված աշխատանքները: Թատերական խմբակը խաղաց Հ.Խ.Անդերսենի ,,Լուցկիներով աղջիկը,, հեքիաթի վրա հիմնված ներկայացումը, երաժշտական և պարային համարները՝ ներշնչված հայրենասիրական ոգով էլ ավելի զարդարեցվին փակման միջոցառումը:
   Կազմակերպվեց նաև սպորտային էստաֆետա, իսկ ավելի ուշ վառվեց ճամբարի խարույկը, որն ազդարարեց հերթական ճամբարի փակումը: Խարույկի շուրջ ճամբարականները երգով ու պարով...

ԲԱԿԱՅԻՆ ՃԱՄԲԱՐ-2016 15/08/2016

   Ջրվեժի համայնքապետարանի աջակցությամբ համայնքում օգոստոսի 15-ին մեկնարկեց ,,Բակային Ճամբար-2016,,-ը:
     Ջրվեժի կրթամշակութային կենտրոնն կրկին անակընկալ էր պատրաստել համայնքի 7-ից 15 տարեկան երեխաների համար: Թվով 77 երեխաներ մեծ ոգևորությամբ մասնակիցը դարձան ,,ՋՐՎԵԺԻ ԹԱԳԱՎՈՐՈՒԹՅՈՒՆ,, ճամբարի բացման արարողությանը, որը տեղի ունեցավ Սբ.Կաթողիկե եկեղեցու բակում:

<< 1 2 3 4 5 6 7 8 9 10 >>