ՑԱՆԿ
ԲՆԱԿՉՈՒԹՅԱՆ ՍՈՑԻԱԼԱՊԵՍ ԱՆԱՊԱՀՈՎ ԵՎ ԱՌԱՆՁԻՆ (ՀԱՏՈՒԿ) ԽՄԲԵՐԻ ՑԱՆԿՈՒՄ ՉԸՆԴԳՐԿՎԱԾ ԱՆՁԱՆՑ ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԿԱՄ ԱՐՏՈՆՅԱԼ ՊԱՅՄԱՆՆԵՐՈՎ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ՍՏԱՆԱԼՈՒ ՆՊԱՏԱԿՈՎ ԲԺՇԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐ ՈՒՂԵԳՐՈՂ ՀԱՆՁՆԱԺՈՂՈՎՆԵՐԻՆ ՆԵՐԿԱՅԱՑՎՈՂ
1. Դիմումին կամ գրավոր միջնորդությանը կից ներկայացվում են հետևյալ փաստաթղթերը.
1) անձը հաստատող փաստաթղթի պատճենը,
2) ուղեգիր կամ տեղեկանք, կամ քաղվածք` ամբուլատոր բժշկական քարտից, կամ բժշկական եզրակացություն` տրված հիվանդին բուժող բժշկի կողմից, այդ թվում՝ անհետաձգելի ցուցումներով հիվանդանոց ընդունված դեպքերում, կամ եզրակացություն` տրված համապատասխան նեղ մասնագետի կողմից կամ դրանց պատճենները,
3) սույն ենթակետում նշված խմբերից որևէ մեկին պատկանելությունը հավաստող, իրավասու մարմնի կողմից տրված փաստաթղթի պատճեն` առկայության դեպքում՝
ա. ընտանիքների անապահովության գնահատման համակարգում հաշվառված` 0.01 միավորից մինչև 30.00 միավորը ներառյալ անապահովության միավոր ունեցող ընտանիքների անդամներ,
բ. 65 և բարձր տարիքի միայնակ կենսաթոշակառուներ,
գ. փախստականի կարգավիճակ ունեցող ընտանիքների անդամներ,
դ. Հայաստանի Հանրապետությունում մշտական բնակություն ունեցող Հայաստանի Հանրապետության քաղաքացիություն չունեցող հղի կանայք` միայն ծննդալուծումը,
ե. կյանքի դժվարին իրավիճակում հայտնված երեխաներ,
զ. ժամանակավոր խնամքի հաստատություններում խնամվող երեխաներ,
է. բազմազավակ (4 և ավելի անչափահաս երեխաներ ունեցող) ընտանիքի անդամներ,
ը. երեխա խնամող միայնակ անձ,
թ. Հայրենական մեծ պատերազմի և նրանց հավասարեցված ընտանիքների անդամներ,
ժ. Բնակչության բժշկական օգնության և սպասարկման մասին Հայաստանի Հանրապետության օրենքի 1-րդ հոդվածի 6-րդ մասով բուժաշխատող (ավագ, միջին և կրտսեր) հանդիսացող անձինք, որոնց աշխատավարձը չի գերազանցում հաշվարկային նվազագույն աշխատավարձի 150-ապատիկը (150 հազար ՀՀ դրամը):