Ղեկավարվելով Հայաստանի Հանրապետության Քաղաքացիական օրենսգրքի 188-րդ հոդվածի 2-րդ և 5-րդ մասերով, Հայաստանի Հանրապետության կառավարության 2006 թվականի մայիսի 18-ի N 731-Ն որոշմամբ հաստատված կարգի 2-րդ կետով և N 912-Ն որոշմամբ հաստատված կարգի 33, 34-րդ կետերով, 2005 թվականի դեկտեմբերի 29-ի N 2387-Ն որոշմամբ հաստատված կարգի 30 և 48-րդ կետերով, հիմք ընդունելով Ջրվեժ համայնքի ավագանու 2020 թվականի հոկտեմբերի 13-ի թիվ 67-Ա որոշումը և հաշվի առնելով այն, որ քաղաքացի Հասմիկ Ամասիայի Աֆրիկյանի կողմից Ջրվեժ համայնքի Ջրվեժ գյուղի Այգեգործական զանգվածի 3-րդ թաղամասի թիվ 7 հասցեի հողակտորի հարևանությամբ, համայնքային սեփականություն հանդիսացող 138,5 քառ.մետր մակերեսով բնակավայրի բնակելի կառուցապատման հողակտորում ինքնակամ կառուցված 31,38 քառ.մետր արտաքին մակերեսով ծածկարանի պահպանումը չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, նկատի ունենալով, որ ինքնակամ շինությունը կառուցված չէ Հողային օրենսգրքի 60-րդ հոդվածով նախատեսված հողամասերի վրա, ինժեներատրանսպորտային օբյեկտների օտարման ու անվտանգության գոտիներում և քաղաքաշինական նորմերի ու կանոնների էական խախտումներով, չի առաջացնում հարկադիր սերվիտուտ պահանջելու իրավունք, որոշում եմ.
1.Ջրվեժ համայնքի Ջրվեժ գյուղի Այգեգործական զանգվածի 3-րդ թաղամասի թիվ 7 հասցեի հողակտորի հարևանությամբ գտնվող 138,5 քառ.մետր մակերեսով համայնքային սեփականություն հանդիսացող բնակավայրի բնակելի կառուցապատման հողակտորին տրամադրել հասցե՝ համայնք Ջրվեժ, գյուղ Ջրվեժ, Այգեգործական զանգված, 3-րդ թաղամաս, թիվ 7/1:
2.Ջրվեժ համայնքի Ջրվեժ գյուղի Այգեգործական զանգվածի 3-րդ թաղամասի թիվ 7/1 հասցեի համայնքային սեփականություն հանդիսացող 138,5 քառ.մետր մակերեսով բնակավայրի բնակելի կառուցապատման հողակտորում ինքնակամ կառուցված 31,38 քառ.մետր արտաքին մակերեսով ծածկարանը համարել օրինական և ճանաչել համայնքային սեփականության իրավունքը (կցվում են հողամասի և շինության հատակագծերը):
3.Դիմել Հայաստանի Հանրապետության անշարժ գույքի գրանցման միասնական ստորաբաժանում` Ջրվեժ համայնքի Ջրվեժ գյուղի Այգեգործական զանգվածի 3-րդ թաղամասի թիվ 7/1 հասցեում գտնվող գույքի նկատմամբ համայնքային սեփականության իրավունքի պետական գրանցում կատարելու համար:
4.Կառույցի նկատմամբ իրավունքների պետական գրանցումից հետո 15 աշխատանքային օրվա ընթացքում կառույցը ձեռք բերելու նպատակով գրավոր առաջարկություն ներկայացնել կառույցն իրականացրած անձին՝ Հասմիկ Ամասիայի Աֆրիկյանին:
5.Որոշման կատարման հսկողությունը դնել համայնքի ղեկավարի տեղակալ Նորայր Սանթրոսյանի վրա:
6.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը։