Ղեկավարվելով «Տեղական ինքնակառավարման մասին» օրենքի 48-րդ հոդվածի պահանջներով, հիմք ընդունելով համայնքի ավագանու 2019 թվականի հունվարի 15-ի թիվ 4-Ն որոշմամբ հաստատված չափորոշիչները, Ջրվեժ համայնքի սոցիալական խնդիրների ուսումնասիրման հանձնաժողովի եզրակացությունը Ջրվեժ համայնքի Ջրվեժ գյուղի 13-րդ փողոցի թիվ 24 հասցեի բնակիչ Նորա Ջանիկի Մաթևոսյանի ընտանիքի վերաբերյալ, այն է՝ ընտանիքը ներկայումս բաղկացած է 6 անձից, բնակվում են հեռու ազգականին պատկանող 13-րդ փողոցի թիվ 24 տանը, ինքը և ամուսինը՝ Սերոբ Մեսրոպյանը, չունեն մշտական աշխատանք, նրանց խնամքի տակ են 3 անչափահաս երեխաները՝ Մարիամ, Իսահակ, Աբրահամ Սերոբի Մեսրոպյանները, ծնված՝ 2001, 2002, 2005 թվականներին, ինչպես նաև աղջիկը՝ Աննա Սերոբի Մեսրոպյանը, ծնված 1995 թվականին, որն ունի լուրջ առողջական խնդիրներ, տարել է ողնաշարի մի քանի բարդ վիրահատություններ, 3-րդ կարգի հաշմանդամության թոշակառու է, գտնվում է անկողնային վիճակում և ունի երկարատև բուժման կարիք, ընտանիքի եկամուտը չի բավականացնում բազմանդամ ընտանիքի կարիքները հոգալու համար և ընտանիքի սոցիալական վիճակից ելնելով Նորա Ջանիկի Մաթևոսյանը դիմել է համայնքապետարան՝ ընտանիքին ֆինանսական օգնություն ստանալու խնդրանքով, որոշում եմ.
1. Հանձնարարել ֆինանսատնտեսագիտական, եկամուտների հաշվառման և հավաքագրման, ծրագրերի կազմման և համակարգման բաժնի պետ Անահիտ Մարգարյանին՝ բյուջեի համապատասխան հոդվածից Նորա Ջանիկի Մաթևոսյանի ընտանիքին ցույց տալ դրամական օգնություն՝ 30 000 (երեսուն հազար) դրամ գումարի չափով:
2.Սույն որոշումն ուժի մեջ է մտնում՝ Նորա Ջանիկի Մաթևոսյանի ընտանիքին որոշման ընդունման մասին իրազեկելու օրվան հաջորդող օրվանից: