Հարցի քննարկման համար հիմք է հանդիսացել քաղաքացի Արման Հովիկի Թամազյանի դիմումը՝ Ջրվեժ համայնքի Ջրվեժ գյուղի 14-րդ փողոցի թիվ 2/48 հասցեում գտնվող համայնքային սեփականություն հանդիսացող բնակավայրի բնակելի կառուցապատման 20,16 քառ.մետր մակերեսով հողակտորը և հողակտորում իր կողմից ինքնակամ կառուցված և համայնքային սեփականության իրավունքը ճանաչված 18,5 քառ.մետր մակերեսով (արտաքին մակերեսը՝ 18,6 քառ.մետր) ավտոտնակն իրեն օտարելու մասին (հիմքՙ անշարժ գույքի նկատմամբ իրավունքների պետական գրանցման վկայական N 22102019-07-0096, տրված 2019 թվականի հոկտեմբերի 22-ին և անհատ ձեռնարկատեր Վալերի Գալստյանի կողմից 2019 թվականի հունիսի 6-ին կազմված և սահմանված կարգով հաստատված հատակագիծը):

Ղեկավարվելով Հայաստանի Հանրապետության Կառավարության 2006 թվականի մայիսի 18-ի N 912-Ն որոշմամբ հաստատված կարգի 34.2 և 35-րդ կետերով և հիմք ընդունելով համայնքի ավագանու 2012 թվականի հոկտեմբերի 9-ի թիվ 31-Ա որոշումը, որոշում եմ.

1.Համայնքային սեփականություն հանդիսացող Ջրվեժ համայնքի Ջրվեժ գյուղի 14-րդ փողոցի թիվ 2/48 հասցեում գտնվող բնակավայրի բնակելի կառուցապատման 20,16 քառ.մետր մակերեսով հողակտորը և հողակտորում ինքնակամ կառուցված և համայնքային սեփականության իրավունքը ճանաչված 18,5 քառ.մետր մակերեսով (արտաքին մակերեսը՝ 18,6 քառ.մետր) ավտոտնակն ուղղակի վաճառքի կարգով օտարել կառույցն իրականացրած Արման Հովիկի Թամազյանին:

2.Պարտավորեցնել Արման Հովիկի Թամազյանին՝ մուծելու հողամասի կադաստրային արժեքը, որը կազմում է 91 204 (իննսունմեկ հազար երկու հարյուր չորս), ավտոտնակի վաճառքի արժեքը՝ 48 360 (քառասունութ հազար երեք հարյուր վաթսուն) Հայաստանի Հանրապետության դրամ:

3.Հանձնարարել համայնքի ղեկավարի տեղակալ Նորայր Սանթրոսյանին՝ ինքնակամ կառույցն իրականացրած անձի կողմից սույն որոշման 2-րդ կետում նշված գումարների վճարումից հետո 10-օրյա ժամկետում գնորդի հետ կնքելու անշարժ գույքի օտարման պայմանագիր:

4.Ընդունել ի գիտություն, որ գույքի օտարման պայմանագիրը ենթակա է նոտարական վավերացման, իսկ դրանից ծագող իրավունքները պետական գրանցման` անշարժ գույքի գրանցման միասնական ստորաբաժանումում:

5.Որոշման կատարման կազմակերպումն ու պատասխանատվությունը դնել աշխատակազմի գլխավոր մասնագետ Լևոն Մխիթարյանի վրա:

6.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը:

7.Սույն որոշումն ուժի մեջ է մտնում՝ Արման Հովիկի Թամազյանին որոշման ընթացքի մասին իրազեկելու օրվան հաջորդող օրվանից: