Ղեկավարվելով «Տեղական ինքնակառավարման մասին» օրենքի 42-րդ հոդվածի առաջին մասի 4-րդ կետով, Հայաստանի Հանրապետության կառավարության 2015 թվականի մարտի 19-ի թիվ 596-Ն որոշմամբ հաստատված կարգով և Հայաստանի Հանրապետության կառավարության 2011 թվականի դեկտեմբերի 29-ի թիվ 1920-Ն որոշմամբ հաստատված կարգի 24-րդ կետի 3-րդ ենթակետի պահանջներով, որոշումեմ.
1.Քաղաքացիներ Հայկ Հովհաննեսի Մխիթարյանին և Կարեն Գուրգենի Դավթյանին ընդհանուր բաժնային սեփականության իրավունքով պատկանող Ջրվեժ համայնքի Ձորաղբյուր գյուղի 1-ին թաղամասի թիվ 33 հասցեում գտնվող 07-042-0384-0053 կադաստրային համարի 1000,0 քառ.մետր մակերեսով հողակտորի գործառնական նշանակությունը համարել փոփոխված բնակավայրի բնակելի կառուցապատման հողերից բնակավայրի հասարակական կառուցապատման հողերի կատեգորիա՝ օրենսդրությամբ սահմանված կարգով հասարակական կառուցապատում իրականացնելու համար (հիմք՝ անշարժ գույքի նկատմամբ իրավունքների պետական գրանցման վկայական N 17122019-07-0114, տրված 2019 թվականի դեկտեմբերի 17-ին):
2.Քաղաքացիներ Հայկ Հովհաննեսի Մխիթարյանին և Կարեն Գուրգենի Դավթյանին ընդհանուր բաժնային սեփականության իրավունքով պատկանող Ջրվեժ համայնքի Ձորաղբյուր գյուղի 1-ին թաղամասի թիվ 33 հասցեի հասարակական կառուցապատման հողակտորում տալ ճարտարապետահատակագծային առաջադրանք՝ հասարակական նշանակության շինության կառուցման նախագծային փաստաթղթերի մշակման համար:
3.Սույն որոշման երկրորդ կետն ուժի մեջ է մտնում որոշման առաջին կետում նշված հողի գործառնական նշանակության փոփոխությունը պետական գրանցում ստանալուց հետո:
4.Որոշման կատարման կազմակերպումն ու պատասխանատվությունը դնել աշխատակազմի գլխավոր մասնագետ Վահե Սիրականյանի վրա:
5.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը։