Ղեկավարվելով «Վարչական իրավախախտումների վերաբերյալ» օրենսգրքի 154-րդ հոդվածի առաջին մասի, 2191 հոդվածի պահանջներով և հաշվի առնելով այն, որ քաղաքացի Ալբերտ Եղիշեյի Ծատուրյանը սեփականության իրավունքով իրեն պատկանող Ջրվեժ համայնքի Ձորաղբյուր գյուղի Ջրվեժ այգեգործական զանգվածի 20-րդ թաղամասի թիվ 8 հասցեի բնակավայրերի բնակելի կառուցապատման հողակտորում ինքնակամ իրականացրել է բնակելի տան կառուցման շինարարական աշխատանքներ, որոշում եմ.
1.Քաղաքացի Ալբերտ Եղիշեյի Ծատուրյանին ենթարկել վարչական պատասխանատվության տուգանքի ձևով` 100 000 (մեկ հարյուր հազար) դրամ գումարի չափով:
2.Պարտավորեցնել քաղաքացի Ալբերտ Եղիշեյի Ծատուրյանին՝ օրենքով նախատեսված ժամկետում մուծելու տուգանքը Ջրվեժ համայնքի բյուջեի N 900105221106 հաշվին:
3.Պարտավորեցնել քաղաքացի Ալբերտ Եղիշեյի Ծատուրյանին օրինականացնել ինքնակամ կառուցված շինությունները:
4. Որոշումն օրենքով սահմանված կարգով եռօրյա ժամկետում պատշաճ ձևով ուղարկել քաղաքացի Ալբերտ Եղիշեյի Ծատուրյանին:
5. Որոշումն ուժի մեջ է մտնում վարույթի մասնակից Ալբերտ Եղիշեյի Ծատուրյանին որոշման ընդունման մասին իրազեկելու օրվան հաջորդող օրվանից:
6. Սույն որոշումը կարող է բողոքարկվել վարչական կարգով, կամ Հայաստանի Հանրապետության վարչական դատարան` Վարչական դատավարության օրենսգրքով սահմանված կարգով` վարչական ակտն ուժի մեջ մտնելու պահից երկամսյա ժամկետում:
7. Սույն որոշման պահանջները չկատարելու դեպքում «Վարչարարության հիմունքների և վարչական վարույթի մասին» օրենքի 88-րդ հոդվածով սահմանված կարգով այն ենթակա է հարկադիր կատարման՝ Հայաստանի Հանրապետության ԱՆ ԴԱՀԿ ծառայության միջոցով՝ անբողոքարկելի դառնալուց հետո: