Հարցի քննարկման համար հիմք է հանդիսացել քաղաքացի Ռազմիկ Դիկրանի Բաբայանի դիմումը՝ Ջրվեժ համայնքի Ջրվեժ գյուղի Այգեգործական 3-րդ թաղամասի թիվ 1,5/1 հասցեում գտնվող համայնքային սեփականություն հանդիսացող բնակավայրի բնակելի կառուցապատման 164,3 քառ.մետր մակերեսով հողակտորը և հողակտորում իր կողմից ինքնակամ կառուցված և համայնքային սեփականության իրավունքը ճանաչված 27,9 քառ.մետր մակերեսով գույքը՝ օժանդակ շինությունը և պարիսպը, իրեն օտարելու մասին (հիմք՝ անշարժ գույքի նկատմամբ իրավունքների պետական գրանցման վկայական N 19072019-07-0033, տրված 2019 թվականի հուլիսի 19-ին, անհատ ձեռնարկատեր Արմեն Գրիգորյանի կողմից 2019 թվականի մայիսի 06-ին կազմված և սահմանված կարգով հաստատված հատակագիծը):
Ղեկավարվելով Հայաստանի Հանրապետության Կառավարության 2006 թվականի մայիսի 18-ի N 912-Ն որոշմամբ հաստատված կարգի 35 և 35.1-րդ կետերով, որոշում եմ.
1.Համայնքային սեփականություն հանդիսացող Ջրվեժ համայնքի Ջրվեժ գյուղի Այգեգործական 3-րդ թաղամասի թիվ 1,5/1 հասցեում գտնվող բնակավայրի բնակելի կառուցապատման 164,3 քառ.մետր մակերեսով հողակտորը և հողակտորում ինքնակամ կառուցված և համայնքային սեփականության իրավունքը ճանաչված 21,3 քառ.մետր մակերեսով օժանդակ շինությունը և 6,6 քառ.մետր պարիսպը օտարել կառույցն իրականացրած Ռազմիկ Դիկրանի Բաբայանին:
2.Պարտավորեցնել Ռազմիկ Դիկրանի Բաբայանին՝ մուծելու հողամասի կադաստրային արժեքը, որը կազմում է 743 294 (յոթ հարյուր քառասուներեք հազար երկու հարյուր իննսունչորս), շինության վաճառքի արժեքը՝ 145 080 (մեկ հարյուր քառասունհինգ հազար ութսուն) Հայաստանի Հանրապետության դրամ:
3.Հանձնարարել համայնքի ղեկավարի տեղակալ Նորայր Սանթրոսյանին՝ ինքնակամ կառույցն իրականացրած անձի կողմից սույն որոշման 2-րդ կետում նշված գումարների վճարումից հետո 10-օրյա ժամկետում գնորդի հետ կնքելու անշարժ գույքի օտարման պայմանագիր:
4.Ընդունել ի գիտություն, որ գույքի օտարման պայմանագիրը ենթակա է նոտարական վավերացման, իսկ դրանից ծագող իրավունքները պետական գրանցման` անշարժ գույքի գրանցման միասնական ստորաբաժանումում:
5.Որոշման կատարման կազմակերպումն ու պատասխանատվությունը դնել աշխատակազմի գլխավոր մասնագետ Վահե Սիրականյանի վրա:
6.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը։
7.Սույն որոշումն ուժի մեջ է մտնում՝ Ռազմիկ Դիկրանի Բաբայանին որոշման ընթացքի մասին իրազեկելու օրվան հաջորդող օրվանից: