Հարցի քննարկման համար հիմք է հանդիսացել քաղաքացի Գագիկ Տիգրանի Աբաջյանի (ծնված՝ 1988 թվականի հոկտեմբերի 13-ին) և Տաթևիկ Արթուրի Հովհաննիսյանի (ծնված՝ 1992 թվականի դեկտեմբերի 16-ին) դիմումը, որով ցանկություն են հայտնել օրինականացնել ընդհանուր համատեղ սեփականության իրավունքով իրենց պատկանող Ջրվեժ համայնքի Ջրվեժ գյուղի 2-րդ թաղամասի թիվ 8 հասցեի այգեգործական հողամասում ինքնակամ կառուցված շինությունները (հիմք՝ անշարժ գույքի նկատմամբ իրավունքների պետական գրանցման թիվ 18062019-07-0091 վկայական, տրված 2019 թվականի հունիսի 18-ին, անհատ ձեռնարկատեր Վալերիկ Գալստյանի կողմից 2020 թվականի հուլիսի 20-ին կազմված և սահմանված կարգով հաստատված հատակագիծը):
Համաձայն համայնքի կադաստրային քարտեզի և անհատ ձեռնարկատեր Վալերիկ Գալստյանի կողմից սահմանված կարգով հաստատված հատակագծի պարզվել է, որ Գագիկ Տիգրանի Աբաջյանին և Տաթևիկ Արթուրի Հովհաննիսյանին ընդհանուր համատեղ սեփականության իրավունքով պատկանող Ջրվեժ համայնքի Ջրվեժ գյուղի 2-րդ թաղամասի թիվ 8 հասցեի այգեգործական հողակտորում 2020 թվականին ինքնակամ կառուցվել է թիվ 1 այգետնակը՝ 96,15 քառ.մետր, թիվ 2 օժանդակ շինությունը և ծածկը՝ 19,35 քառ.մետր, թիվ 3 բաց պատշգամբըև ծածկը՝ 63,28 քառ.մետր և թիվ 4 ջրավազանը՝ 6,74 քառ.մետր արտաքին մակերեսներով:
Ղեկավարվելով Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 10, 11, 13-րդ կետերի պահանջներով և հաշվի առնելով այն, որ Գագիկ Տիգրանի Աբաջյանին և Տաթևիկ Արթուրի Հովհաննիսյանին ընդհանուր համատեղ սեփականության իրավունքով պատկանող Ջրվեժ համայնքի Ջրվեժ գյուղի 2-րդ թաղամասի թիվ 8 հասցեի տնամերձ հողամասում ինքնակամ կառուցված շենք-շինությունների պահպանումը չեն խախտում այլ անձանց իրավունքները և օրենքով պահպանվող շահերը, շինությունները կառուցված չեն ինժեներա-տրանսպորտային օբյեկտների օտարման կամ անվտանգության գոտիներում, կառուցված չեն քաղաքաշինական նորմերի և կանոնների էական խախտումներով և չեն առաջացնում հարկադիր սերվիտուտ պահանջելու իրավունք, որոշում եմ.
1.Գագիկ Տիգրանի Աբաջյանին և Տաթևիկ Արթուրի Հովհաննիսյանին ընդհանուր համատեղ սեփականության իրավունքով պատկանող Ջրվեժ համայնքի Ջրվեժ գյուղի 2-րդ թաղամասի թիվ 8 հասցեի այգեգործական հողակտորում ինքնակամ կառուցված թիվ 1 այգետնակը՝ 96,15 քառ.մետր, թիվ 2 օժանդակ շինությունը և ծածկը՝ 19,35 քառ.մետր, թիվ 3 բաց պատշգամբըև ծածկը՝ 63,28 քառ.մետր և թիվ 4 ջրավազանը՝ 6,74 քառ.մետր արտաքին մակերեսներով, համարել օրինական:
2.Սահմանել, որ հողամասի սեփականատերերը.
1)սույն որոշման ընդունման օրվանից 60-օրյա ժամկետում Ջրվեժ համայնքի բյուջեի N 900105228218 հաշվին պետք է վճարեն Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաշվարկված 389 408 (երեք հարյուր ութսունինը հազար չորս հարյուր ութ) Հայաստանի Հանրապետության դրամ օրինականացման վճարը.
2)իրենց միջոցների հաշվին պետք է վճարեն կառույցի գույքային իրավունքների պետական գրանցման հետ կապված վճարներն ու տուրքերը։
3.Սահմանել, որ սույն որոշման ընդունման օրվանից 60-օրյա ժամկետում օրինականացման համար սահմանված վճարումը չկատարելու դեպքում, նշված ինքնակամ կառույցը ենթակա չէ պետական գրանցման, իսկ սույն որոշումը համարվում է ուժը կորցրած։
4.Որոշման կատարման կազմակերպումն ու պատասխանատվությունը դնել աշխատակազմի գլխավոր մասնագետ Վահե Սիրականյանի վրա:
5.Սույն որոշման կատարման ընթացքի նկատմամբ հսկողությունն ապահովում է աշխատակազմի քարտուղար Սուսաննա Թադևոսյանը։
6.Սույն որոշումն ուժի մեջ է մտնում՝ Գագիկ Տիգրանի Աբաջյանին և Տաթևիկ Արթուրի Հովհաննիսյանին որոշման ընդունման մասին իրազեկելու օրվան հաջորդող օրվանից: